講起石詠莉，唔少人都記起Freeze呢個名，三人06年為變靚D擔任代言人，第二年合組Freeze加入樂壇，可惜組合生涯直到10年甄詠珊同公司解約，就咁各散東西。
雖然石詠莉仲係蕭定一中國3D數碼娛樂旗下嘅藝人， 佢亦表示「公司啲同事都有出力，好似幫我約宣傳訪問，老闆有叫我加油，佢俾好大自由度我；支持有好多種，已經好感恩」，不過講到尾咪又係自資出碟。
而陳樂榣喺10年淡出娛樂圈後，就喺銅鑼灣開設「悠油畫室」開班授徒，12年同圈外男友結婚，今年仲生埋B女添！
甄詠珊同一元製作解約之後轉簽亞視，之後再簽尚品娛樂，仲密密填詞，轉型做唱作人。
