2015年7月10日 星期五

「黑醫」郭栢榮最愛扮黎明 [忽然1周 - 1041] 黎明,MW,



2013年郭栢榮喺台慶抽中 82萬元嘅惠州洋房,因為咁,多咗人知大台除咗布韋傑,仲有老外演員。

媽咪姐

「黑醫」郭栢榮最愛扮黎明

強國「黑醫」殺到落香港幫大媽整容,無法無天!而大台兼職藝員郭栢榮( Banny Cox)涉嫌幫手扮「瑞士抗衰老」專家 sell客,亦真係估佢唔到。

查實呢位藝名郭寶嘅郭栢榮,喺英國利物浦出世,今年 38歲。因為鍾意中國文化,喺家鄉超市打工嗰陣,用 4年時間學中文,仲利用工餘時間喺社區中心學唱歌。之後佢參加強國節目《中國達人秀》,學黎明唱腔演唱,所以有「鬼佬黎明」之稱。

嚟到香港發展之後,又俾佢誤打誤撞識咗資深製作人蔡和平,仲簽埋無綫拍劇。呢幾年佢仲孖住老外布韋傑返強國登台搵食㖭!唉,明明咁好景,何必搞啲咁嘅嘢呢?

今年 3月播嘅《天眼》,郭栢榮演鄭嘉穎下屬。睇佢嘅保安 look,幾入型入格㗎!

4年前郭栢榮參加中國東方衞視嘅《中國達人秀》節目,仲喺原唱兼評判黎明面前,用純正廣東話唱〈 Happy 2000〉。

《蘋果》踢爆

周二( 7日)《蘋果日報》踢爆「黑醫」集團,郭栢榮被指扮外籍專家,向強國闊太推銷療程。周三( 8日)下午,佢喺 fb話已交俾律師處理。

鍾意就快D Share啦!