掃呢頁CODE去手機

2015年7月10日 星期五

遭張文采怒掟 羅鈞滿爛醉女照曝光 [忽然1周 - 1041] 張文采,羅鈞滿,MW,



羅鈞滿和張文采曾經愛到如膠似漆,奈何羅鈞滿「喜愛夜蒲」,最後因為暗溝空姐而東窗事發被女友飛。圖片

娛樂喧

遭張文采怒掟 羅鈞滿爛醉女照曝光

冇事業、衰偷食、更愛飲醉生事的男人,早飛早着! 31歲奀星羅鈞滿,最近被指夜蒲偷食空姐及樂瞳,遭新聞之花張文采狠飛,四年情玩完。張更在 facebook宣告分訊︰「依家我重生喇!」

近日有周刊爆分手原因,指羅鈞滿今年二月飛韓國夜蒲,因為飲醉酒出事,得罪當地社團大佬,搞到上警局,最後無綫要出動律師營救,四月才返港。其實,去年開始,羅鈞滿與張文采濃情轉淡後,愈蒲愈過火,經常爛醉溝女。據在夜場認識他的𡃁模 A爆料,醉貓羅鈞滿不時夜場𠝹女,風流快活,完全當女友冇到!

今年 5月,有傳媒拍得羅鈞滿在尖沙嘴一間酒吧溝長髮女,高登仔後來更將長髮女起底,原來女子叫 Sylvia Lam,任職空姐。其實羅鈞滿溝女一向漁翁撒網式,就連「稱兄道弟」的樂瞳也不放過,據知近日兩人過從甚密玩曖昧。咁多女埋身,張文采梗唔忍啦。

新歡膺高登女神

Sylvia Lam任職國泰空姐,因為經常在 Instagram上載惹火泳衣相,被高登仔稱為 ig女神,其 ig有超過 1萬 3千多名追蹤者。不過日前她發現被起底後,隨即將戶口改為私人。

3月 20日羅鈞滿未出事前,還開心 chok住看棒球賽,到了 4月 4日被扣留在韓國,立即滿臉鬚根,一臉憔悴。

20/3

4/4

爛蒲爛飲𠝹女

冰封三尺,非一日之寒。羅鈞滿自去年開始沉迷蒲夜場,每每玩到通宵達旦才返家。有蒲友報料話︰「其實唔只個空姐,羅鈞滿舊年成日上尖沙嘴同鑼銅灣嘅私竇玩,我都撞過佢幾次。佢次次都飲到面紅紅,啤酒一打打咁嗌,飲得好狼,仲會即場𠝹女。」蒲友更提供羅均滿在夜場飲到面紅紅及𠝹女的照片。

其後,蒲友向本刊提供當晚與羅鈞滿調情的𡃁模 A電話。本刊致電𡃁模 A,她憶述當晚情況:「當晚我哋透過朋友認識,我讚佢(羅鈞滿)喺《星夢》唱得好,佢好開心,主動請我飲嘢,然後問我攞電話,之後仲攬住我條腰。我當時唔知佢有冇女朋友,咪試探佢:『你唔驚女朋友嬲?』佢當時就話『黐線!』不過之後佢趁我去廁所就𠝹其他女,搞到我好嬲!後來我知佢有正印,佢再打電話約我我都冇睬佢啦。」

張文采在 facebook暗示兩人正式分手,更以「重生」來形容,看來張文采去意已決!

𠝹𡃁模 A摸面珠

去年,𡃁模 A與羅鈞滿在中環私竇認識,羅鈞滿當晚十分熱情向𡃁模 A「抄牌」,並請女方飲嘢,兩人更親熱摸面珠。為了保障𡃁模 A的身份不外洩,蒲友在相片上打格及加圖案遮樣。

劈到面紅紅

羅鈞滿周不時飲到「啤啤夫」,臉都紅晒。

除了溝女和劈酒,羅鈞滿亦經常會落私竇打桌球。

陪空姐赴韓惹禍

羅鈞滿曾經以酒店的針線包,當作手信送給張文采,事後張文采把它上載到微博,立即惹來網民鬧他 cheap。雖然冇指名道姓,但係邊個呼之欲出啦。

羅鈞滿爛蒲𠝹女頻頻斷正外,近日又有周刊大爆今年初他赴韓時就因夜蒲醉酒搞到很大鑊。

據知今年二月,羅鈞滿與空姐新歡 Sylvia赴韓遊玩。 Sylvia因為工作關係先行離開,剩下羅鈞滿自己留韓玩多兩天。豈料心野的羅鈞滿因為與朋友落夜場玩飲大咗,竟然惹到當地社團大老的女友,社團大佬嬲爆,要他賠錢道歉,更聲言唔賠錢,就告發他影女人裙底。羅惟有致電返港撲水擺平事件,可惜數目籌唔夠,最後要驚動無綫出面。

雖然羅鈞滿在無綫只是奀星,不過有高層余詠珊照,余出動公司的律師及經理人赴韓交涉。經過兩個月周旋,羅鈞滿終於甩身返港。

對女友慳得就慳

其實羅鈞滿與張文采拍拖以來,因為羅的收入有限,與女友的拍拖生活慳得就慳。濃情轉淡後,兩人已甚少去旅行,連街都少出,難怪張文采愈來愈冇癮。在韓國出事未幾, 5月傳媒又斷正羅鈞滿與空姐 Sylvia夜蒲,加上張文采發現羅與樂瞳又過從甚密,難怪她心淡決定斬纜。儘管羅鈞滿缺點多多,但張文采為了好來好去,對外一概封嘴。被問到分手原因是否男友花弗時,她只謂︰「要講嘅都講咗,冇嘢補充,多謝關心。」

雖然張文采去意已決,但羅鈞滿早前仍戮力箍煲,更在 ig揚言︰「凡事有轉機。」不過本周二( 7日)他出席新劇活動時卻轉口風話:「佢(張文采)都有寫出嚟啦,我都冇補充。(係咪因為花弗或第三者?)唔關事,係大家去行自己嘅路會比較適合。」箍煲無望的他,跌落地都要揦番拃沙。

搞「兄弟」樂瞳

樂瞳雖然與羅鈞滿「兄弟」相稱,不過有報道指兩人過從甚密。對於緋聞,樂瞳本周三( 8日)馬上劃清界線:「完全冇行埋,我同佢從來冇單獨約會過,只係合作過《點解阿 Sir係阿 Sir》。次次都係 K4成員食飯,之前我哋有 gathering,上周我喺公司撞過阿 Moon(羅鈞滿),大家趕開工,只係打招呼。」

屢惹官非

羅鈞滿不但寸嘴招來很多仇口,亦曾兩度被控犯交通條例,惹來一身官非。

違例泊車

13年 4月因違例泊車被控,同年 11月羅鈞滿成功舉證事發路段為私人路段,獲判罪名不成立,毋須繳付 320元罰款。

三車連環相撞

13年 6月在紅磡不小心駕駛導致三車連環相撞, 14年 3月開審時表證成立,但在判決當日卻因的士司機供詞前後矛盾,最後獲判罪名不成立。

鍾意就快D Share啦!