2015年7月10日 星期五

萬綺雯攬狗療傷 [忽然1周 - 1041] 萬綺雯,MW,



蚊蚊真係好鍾意小動物,見到朋友隻狗都攬住唔放,又話係佢新朋友。

媽咪姐

萬綺雯攬狗療傷

前排冇咗 6隻愛貓,萬綺雯仲要拍喜劇冇得休息,真係幾難過吓。媽咪姐之前聽佢老公陳十三講,愛貓走咗就好似親人走咗,蚊蚊情緒麻麻哋,要放吓假先。果然講完即做,趁住同無綫未傾掂續約,上個月中,蚊蚊就同大姐明去法國尼斯度假,日日只係食同 hea,放鬆心情。







蚊蚊返到嚟就約班寵物 friend見面,佢見到人哋隻狗好開心,又攬又錫,仲話係自己新朋友㖭。睇嚟短時間失去幾隻貓貓嘅佢,為免睹物思貓,轉咗只同狗狗玩。都好嘅,品種唔同,見到都冇咁難過吖。

一個人坐喺西貢碼頭,蚊蚊個樣有啲 sad,好彩仲有狗狗陪佢。

話晒對腿有 42吋長,蚊蚊去旅行都要晒一晒,正呀!

「貓痴」蚊蚊養咗好多貓,但上年先後有 6隻離開咗佢,唔傷心就假,唔少網友都留言安慰佢。

鍾意就快D Share啦!
Related Posts Plugin for WordPress, Blogger...