掃呢頁CODE去手機

2015年7月31日 星期五

潤娥搵黑絲救人氣 [忽然1周 - 1044] 潤娥,少女時代,MW,



呢日潤娥 BB(右)再跳新歌〈 Check〉,唔只換咗衫,仲加多對黑絲,係咪好誘惑呢?

媽咪姐

潤娥搵黑絲救人氣

曾經係韓國人氣女團嘅「少女時代」,喺今個月轉路線,露腰晒腿夾罅回歸歌壇,成績都唔差,贏咗一星期音樂節目第 1位,好過冇

但係咁,依家潤娥 BB掛住拍拖,冇乜做好身材管理,第 1日宣傳就衰咗,粗腰凸腩,瞓喺地跳舞,仲睇到大髀鬆弛晒。嘩!原來瘦底都可以好鬆㗎!雖然咁失策俾韓國傳媒影到,唔知潤娥 BB有冇嬲嬲豬!但睇佢之後演出音樂節目《人氣歌謠》,唱同一首歌嗰陣,即刻着番對魚網絲襪,遮吓對鬆弛肉腿,睇落又夠誘人,呢啲咪高招囉!

嘩!潤娥 BB抬腿呢吓,起晒褶呀!

「少時」回歸出碟前,潤娥被韓國網民爆料,話見到佢經常去首爾清潭洞嘅酒吧。如果係咁,又難怪日久失修嘅。

潤娥 BB唔小心俾 Sunny摷起條裙! Btw佢嗰日似乎食得好飽吓,個腩幾突出。

鍾意就快D Share啦!