掃呢頁CODE去手機

2015年8月20日 星期四

好賭輸百萬波數 金剛豪宅搬落村屋 [壹週刊 - 1328] 金剛,M1,



探熱針

好賭輸百萬波數 金剛豪宅搬落村屋

由獎門人一手由台灣引入香港娛圈的金剛, 13年底撻着女子組合 Hunterz成員陳蕊蕊,拍拖唔夠半年火速同居,公事私事兩得意。但近年志偉與無綫關係大不如前,有指金剛被無綫投閒置散,要靠女友拋胸登台養家。

收入大減,有消息指金剛仲要賭波輸過百萬,手緊到由月租三萬元的滌濤山搬到月租萬多元大埔村屋。死撐從來唔睇波唔賭錢的他,卻被 ig「出賣」自揭不單愛打麻將,就連急性腸胃炎,都唔願離開賭枱。

虛有其表

余詠珊鬥走曾志偉後,由獎門人一手從台灣帶來香港的金剛,工作愈來愈少,甚至女友陳蕊蕊要返內地狂接登台,拋胸補貼生活。

雖然二人先後否認「唔夠使」,但金剛最近已由大埔滌濤山豪宅,搬到同區的九龍坑七百呎村屋,每月慳番一半租有多。

跟陳蕊蕊拍拖接近兩年,二人經常孖住出現晒戀情。

上週六,他單拖過澳門,自稱是去做 job。

金剛曾經租住滌濤山豪宅。

現在住的九龍坑村屋,由於較為偏僻,租金也比一般村屋平。

「外表睇,佢兩個好似搵到好多咁,金剛部 Benz過百萬,蕊蕊揸嘅 Audi亦要四十幾萬,但兩個都係得個殼!早排蕊蕊唔開心搵啲姊妹出嚟呻,話金剛欠咗百幾萬波數,兩個人嗌晒交,蕊蕊想幫都有心冇力。」知情者說。

上週五(八月十四日)晚,陳蕊蕊飛甩男友,相約男性友人夜蒲,二人態度親密玩到凌晨。至於工作量數得出的金剛,早前拍完電視劇《愛情食物鏈》收工,先送小儀回家,再去大隻仔溫家偉開的雪糕店無聊吹水半個鐘。

撩耳

求證賭波輸過百萬,金剛表現尷尬,不停出現小動作。

𢱑鼻

又撩耳

再𢱑鼻

單拖過大海

各有各玩,上週六(八月十五日)下午,聲稱當日要去澳門做公司「 annual dinner」司儀的金剛單拖現身碼頭,但記者留意到身穿 T恤牛仔褲的他,並冇任何隨身行李。

對於被指賭波輸過百萬,金剛否認!「我不嬲都唔賭錢,我唔鍾意㗎。(話你爭人百幾萬波纜數?)吓,咁犀利,波纜係咩嚟?(不安地不停重複撩耳及𢱑鼻)冇可能,不可能,我都唔賭嘅。(傳你賭得幾犀利?)冇可能爭人百幾萬,(突然又用國語講不可能)爭波纜數百幾萬,會唔會少得滯呀?不如傳高啲(繼續唔自在撩耳仔)。」

為要強調沒有賭波習慣,金剛再三強調:「我連波都唔睇嘅,都唔識踢波,睇嚟冇意思,所以我睇都唔睇,爭錢嗰個唔係我,係咪第二個?」

近日跟小儀、高 Ling合作拍《愛情食物鏈》,不過群戲居多。

跟曾志偉合作過多輯《獎門人》節目後,金剛人氣高企,亦因而多了不少搵銀機會。

《愛情食物鏈》煞科宴,金剛送小儀回家後,再轉場到旺角,搵大隻仔吹水。

上月底,電視劇《愛情食物鏈》收工後,金剛返家途中經過七仔買杯麵做消夜,好慳家。

有相為證

唔睇波唔賭波亦唔賭錢,但本刊發現金剛的 ig相簿中,有在新加坡大球場自拍,亦自揭好賭真面目,其中一張相是他正在打麻雀,亦有去年年三十晚,寧願忍受急性腸胃炎,都要繼續在賭枱玩大細的相片。

做好做醜,陳蕊蕊夾定口供,堅持金剛從來唔賭錢。「佢連麻雀都唔會打,亦都唔會睇波,總之佢冇興趣。我知道佢好憎呢啲嘢。」

上週五,陳蕊蕊孖白衫男友人在蘭桂坊夜蒲,二人舉動親密。

陳蕊蕊跟男友夾晒口供,堅稱他唔賭錢。

鍾意賭乜?

將玩麻雀相放上 IG,洪天明即時答口:「又來!」金剛似乎玩得好頻密。

教蕊蕊玩台灣牌,女友更被封為賭神。

自言唔睇波的金剛,到新加坡玩時也有去球場。

農曆年三十晚,寧願忍受急性腸胃炎都要賭番幾手大細點。

賭不得

賭同毒一樣,其實掂不得!圈中不少豪賭藝人,債務爆煲,搞到乜都冇。

司徒瑞祈

曾是香港游泳代表隊成員,在無綫主力做兒童節目, 08年在澳門賭場玩廿一點輸掉幾千元,被疊碼仔 lock住游說轉場賭百家樂,結果十四個鐘輸三十萬,被大耳窿威迫簽下欠單,利疊利後共欠八十萬。

回港後司徒瑞祈四出籌錢還了十七萬,卻被指「誠意」不夠,之後有人在電視城外牆噴紅油,他與友人合資的上樓 Café也遭淋紅油,最終選擇報警。已離開無綫的他,近年轉去夜場賣煙,時薪八百元。

阮民安

前組合 E-Kids成員阮民安( Tommy), 06年在澳門賭錢借下貴利數,遭兩名大漢押返港追數廿四萬,要向家人及經理人公司求助。衰過冇悔意, 11年又傳他向財務公司借了十萬元唔還。一身街數的他, 12年韓國組合 BIGBANG來港開騷時,賣黃牛飛及涉嫌行騙。

撰文、攝影、攝錄:娛樂組

nextplus.nextmedia.com

鍾意就快D Share啦!