| 李克勤為《蒙》半決賽錄影，不過因感冒累事，第二回合便被淘汰出局。 | next 1/1 pre |
 | |
| 李克勤先係成功過了第一關合唱環節。 | next 1/1 pre |
 | |
| 到第二回合獨唱環節時便止步，但由於有敗者復活，所以又有機會見到克勤再踏《蒙》舞台。 | next 1/1 pre |
 | |
| 心急回去的李克勤真係「屋漏兼逢連夜雨」，航班Delay的關係，搞到同祖兒嘅綵排都遲到。 | next 1/1 pre |
 | |
| 不少網友都關心克勤的感冒狀況，而他透過微博表示自己已見好轉。 | next 1/1 pre |
 | |
| 終於會合祖兒。 | next 1/1 pre |
 | |
| 克勤微博 | next 1/1 pre |
李克勤喺七月尾參加內地歌唱比賽《蒙面歌王》，成功為港爭光喺首集封歌王，即場除低面具展示廬山真面目，仲憑住零瑕疵震音震入半決賽。話咁快比賽已經完成咗一大半，據知成功殺入半決賽嘅除咗克勤之外，仲有孫楠、丁噹、曹格、黃小琥、譚維維、許茹芸同沙寶亮。
表現失準被叮走
而喺尋晚（26日）呢八位星級參賽者已經抵常州進行《蒙》半決賽錄影，雖然唔少歌手喺節目中已經除罩現真身，但喺半決賽入面，八位歌手依然要再次笠面罩比試。
今次半決賽賽制分成合唱及獨唱環節，八人先分成四組合唱，經現場觀眾投票後，最高票數一隊可以率先殺入總決賽，相反最低分一隊就要即時出局。完成第一回合後，剩低嘅四個人再以獨唱一決高下，得票最低一位會被叮走，換言之即係八個人爭奪五張總決賽入場券。
第一輪合唱環節，克勤被安排同許茹芸合唱，大家都表現平平，而率先出局嘅就係曹格同黃小琥。到獨唱環節，抱病上陣嘅克勤疑因為感冒累事，搞到表現失準，最終喺第二回合大熱倒灶，被淘汰出局。不過一班粉絲唔使灰心住，因為克勤同其他落敗者將會喺下集進行復活賽，隨時有機會「翻生」爭奪終極歌王之位。
趕回港練舞綵排
而克勤亦喺社交平台上載自拍照，大呻完成賽事後急急回港會合容祖兒，為九月演唱會排舞：「今早四點多從常州出發趕回港，因下午要繼續為九月演唱會排舞。至於《蒙》的賽果？我簽了保密協議不能透露！...至於我的感冒？有進展，但聲音仍有康復空間。」
不過，被叮走嘅克勤今次真係「屋漏兼逢連夜雨」，佢坐嘅航班嚴重Delay，搞到返港後衫都冇換就要趕去綵排，搞到祖兒都好同情克勤，喺微博留言：「Mr.Lee Delay再Delay，之後終於回來我們的身邊，看他衫也不換就趕過來就知道他對舞蹈有多麼的熱情和誠懇！」
|
鍾意就快D Share啦！
|
|
|
