| 備受攻擊十三年，傅穎表面看似冇所謂百毒不侵，但內心是真正的傷痕纍纍。 | next 1/1 pre |
 | |
| 累積無數傷痕最終大爆發，抑鬱、厭食、情緒失控及自閉等情況全部浮面。 | next 1/1 pre |
 | |
| 對於無論做乜嘢，最後都係換嚟扭曲嘅指控，傅穎大嘆無奈。 | next 1/1 pre |
 | |
| 傅穎認為自己講嘢唔叻易惹誤會，係導火線之一。 | next 1/1 pre |
 | |
| 最嚴重的情況，傅穎坦言出街見到人就想喊，所以經常匿喺屋企唔出街。 | next 1/1 pre |
 | |
| 自閉的階段，幸好有好朋友的陪伴，傅穎才可以成功走出困境。 | next 1/1 pre |
 | |
| 為咗遠離是非新聞，傅穎決心離開香港到內地工作。 | next 1/1 pre |
 | |
| 雖然負面新聞都係曝光率，但係承受咗咁多年傅穎希望唔會再面對。 | next 1/1 pre |
 | |
| 到內地拍劇希望可以避開吓，結果因為太投入角色，最終導致情緒再次出現問題。 | next 1/1 pre |
 | |
| 傅穎再一次全靠身邊好姊妹陪伴度過難關。 | next 1/1 pre |
 | |
| 傅穎自覺唔太適合呢一行，所以有考慮過轉行去其他方向發展。 | next 1/1 pre |
 | |
| 曾經有人邀請做行政工作，不過傅穎還是希望從事設計工作。 | next 1/1 pre |
 | |
| 傅穎亦有考慮過重返校園。 | next 1/1 pre |
 | |
| 傅穎對設計甚有興趣，曾推出自家公仔「比莎妹妹」及畫作。 | next 1/1 pre |
如果「國際漿」鄧紫棋是新一代是非女王的話，那麼傅穎（Theresa）毫無懸念也是一代「Gossip Queen」。近年傅穎的新聞幾乎清一色負評，由Cookies時代已盛傳與鄧麗欣勢成水火，直到「四餅」年代，不和傳聞愈演愈烈。直到後期單飛發展，失準走音片段在網上瘋傳，還有緊湊過連續劇的「變臉進化史」。
「做咩都畀人扭曲」
還記得傅穎唱過一首叫做《誰羨慕像我這樣強的人》的歌，數數手指，她出道十三年，身上所受的箭從未停過，可是多年來這個「箭靶」看似不痛不癢，笑看醜聞，試問誰不羨慕這樣強的人。「最近朋友畀咗本雜誌我睇，佢將我兩歲嘅樣同依家比較，話我變咗咁多，連BB仔相都可以比較，我已經冇辦法任由大家繼續講落去。依家好似將負面嘅嘢放喺我上係冇違和感，最近喺香港出席咗個電影發布會，又畀人話我爭出鏡，其實我只係嚟客串吓，我做啲咩都比人扭曲，依家唔理啦，寫乜都得架啦。」傅穎一面無奈地說。
看似硬淨得百毒不侵，可是很多事不足為外人道，說穿了，再強的人也有軟弱的時候，傅穎還是會對人歡笑背人愁。「樂觀啲去諗，大家都幾鍾意去談論我，以前幾介意，尤其啱啱變金髮嗰陣。可能我唔識得圈入面嘅一啲規則，我講完一啲嘢，我以為大家應該會明，但最後出到嚟會變咗另一樣嘢。我就係講嘢唔叻，令到大家好容易誤會，我知道自己一定有問題，可能講嘢畀人感覺好寸。但有時有啲嘢係『明砌』，我否認咗，但點都要寫我。」
「一出街就驚畀人講」
長時間活在「負」能量下，由女神變成「負穎」，積埋積埋，最終熬出抑鬱病來。就在負面新聞滿天飛的時候，傅穎將自己封閉在家，活在沒有流言蜚語的世界裏：「我覺得每個藝人都有輕度抑鬱同焦慮，自己當然會有，入行咁多年，中間有幾段時間有嚴重抑鬱，有段時間出到嚟見到人就想喊，食唔到嘢，無啦啦會想嘔，又瞓唔到覺。維持咗三個月左右，喺屋企練到每日可以睇完一本書，因為一出去就驚畀人講、畀人寫。嗰段時間覺得好委屈，好需要同人傾訴，好彩啲朋友知我唔開心，又驚我唔食嘢，拎埋啲嘢上我屋企輪流陪我。」
一次又一次被矛頭瞄準攻擊，傅穎試過多次躲在家裏痛哭，既然此地不留人，自有留人處，從逆境走出來的傅穎拭乾眼淚，兩年前決定北望神州，暫時遠離香港這片是非之地：「反而呢幾年唔喺香港，靜靜喺大陸拍劇，係因為唔想有啲令我唔開心嘅負面新聞，冇新聞好過有負面新聞。」
「唔需要呢啲曝光」
有人說這是鴕鳥政策，但她倒覺得是樂得浮生閒：「睇你要唔要呢個曝光率、需唔需要呢個曝光，依家我唔需要。就算我講，人哋都覺得我唔係講真話，畀好多人質疑。有時返香港做專訪，做完之後出到嚟，報道都唔係咁正面嘅，我就覺得不如唔好做。」
「啲雀斑走晒出嚟」
本想寄情工作，遠離是非，可是病魔偏偏要找上門，傅穎在拍攝內地劇《望夫成龍》時，因太過投入角色，走不出來，最後再度病發。「精神上受傷，因為個角色每場戲情緒都要好崩潰同激動，每次一埋位我就要鬧人同喊。結果呢幾個月講嘢都唔同晒，個人一點就着晒，識我嘅身邊人就知，拍完套戲，有時閂左機，但聽到人哋講一句嘢，我就即刻火起，講嘢都變到好大聲。總之呢三個月入面情緒都好唔穩定，以前我係冇雀斑，呢幾個月啲雀斑出晒嚟，醫生話可能係賀爾蒙嘅影響，內分泌出咗問題，搞到心火同肝火好犀利。」最後帶着傅穎再次走過人生低谷的，也是一班知己好姊妹，讓她咬實牙關跨過這一關。
而十三年前，還在讀中六的傅穎毅然放棄學業，決意跳入這個大染缸。當時的她萬萬想不到日後會成為長期成為封面人物，多次受傷後，不時想退出娛樂圈：「成日都諗退出，退出念頭由五年前開始萌生，唔覺自己啱做呢行。上年有諗過有一段時間想轉行，但一有呢個諗法就有人搵我拍戲。」她坦言曾有公司邀請她擔任行政工作，但她始於希望轉行從事時裝界：「有諗過自己做設計師，對衫、Fashion方面有興趣啲，或者去讀書。冇諗過做呢行做到老，希望自己可以轉其他方面發展，唔想一世做娛樂圈。」
有人說在娛樂圈際遇比一切重要，但上天給傅穎的難關未免太多了，有時候活在這個「愛吃花生」的荒誕社會，很多人只愛看人折墮、看人出醜，幸好她找到自己的生存之道。嘴巴是別人的，人生才是自己的。
|
鍾意就快D Share啦！
|
|
|
