2015年8月28日 星期五

《港姐任你Like》:麥明詩告急跌落第二 麥明詩,港姐,



呢個階段嘅投票,真係戰況激烈呀!

next 1/1 pre

《2015香港小姐競選》掀起全城熱話,緊貼所有熱爆娛樂新聞嘅《東網巨星》 App,喺facebook推出《2015香港小姐》民選投票《港姐任你Like》,玩轉港姐熱話。(連結:【 http://on.cc/MISSHK2015 】)

第三階段嘅「最佳自編自導自演」已經開始(截止投票日期為8月29日中午)。截至8月27號晚11點,今日嘅賽果就爆喇,一直由頭帶到落尾嘅1號麥明詩,首次遇上衝擊,被現時票數為824嘅3號羅丹虹反超前,麥明詩以814票跌落第二,而季軍嘅9號郭嘉文就繼續以459票,大比數拋離其他對手穩守!戰果突然出現咁大嘅變數,令到成個投票更加精彩。各位支持麥明詩嘅巴絲,想麥明詩重返第一寶座,真係要落力啲畀Like,仲有兩日度,個投票活動就結束架喇。不過若計影片瀏覽數量,擁有超過1萬7千瀏覽數嘅麥明詩,大比數拋離只有逾5千5百瀏覽嘅羅丹虹,證明麥明詩依然係風頭躉。

依家只要click入《東網巨星》facebook,除咗可以欣賞12位佳麗為《東網巨星》facebook今次投票誠意拍攝嘅拉票短片外,仲可以一覽今屆候選港姐靚樣、Profile、自我介紹片段同埋港姐相關新聞。想做2015「港姐通」?想你嘅心水佳麗獨佔鰲頭?仲等咩呀?

鍾意就快D Share啦!