掃呢頁CODE去手機

2015年8月28日 星期五

單親媽媽陪買書包等開學 楊思琦湊女:雖然好攰,好多開心 思琦,楊思琦,





其他影片:>>






單親媽媽楊思琦的女兒楊卓穎已經3歲,聰敏的卓穎成功考入心儀的幼稚園德望小學暨幼稚園,跟劉德華千金劉向蕙做同學。卓穎下周開學了,楊思琦心情既緊張又興奮,她早在一個月前已為囡囡卓穎準備開學日用品,日前她帶女兒到鞋店選購白皮鞋,卓穎買到心儀的書包,即刻向媽媽獻吻。思琦3年前未婚產女,今日為愛女做牛做馬都無怨無悔,還甜絲絲說:「雖然好攰!好多開心!」

楊思琦2011年戀上香港跳水隊前成員吳帥,跟拍拖九年的李泳豪分手,後來發現錯愛吳帥而分手,思琦決定獨自承擔,一個人撫養女兒長大成人,因此女兒跟隨母親姓楊,名卓穎,英文名Krystal。楊卓穎在美國出世,出生後隨母親楊思琦回港定居,由婆婆和公公合力照顧,光陰似箭,卓穎轉眼3歲,日前楊思琦接受本報專訪,她說:「眨眼K1,時間過得好快,忙緊工作同時照顧佢覺得好充實,是但冇一樣精神寄托都好悶,家365日都好忙,努力做嘢賺下錢,佢畀我呢個動力。」

卓穎升讀K1,百忙中的思琦亦做好心理準備配合女兒的功課,她說:「開學佢又應該功課忙啲,睇吓點樣跟吓佢啲功課,小朋友好快學好多嘢,如果佢唔明要溫習都要靠媽媽。」不過思琦認為最緊要是教導女兒有禮貌和開心,做自己喜歡做的事,享受讀書和學習的樂趣,她已經心滿意足。

當日下定決心要做單親媽媽,楊思琦並不是一時衝動,女兒帶給她無窮的生命力和一個又一個驚喜,她笑說:「好多開心嘢!對住個小朋友由朝到晚都有好多驚喜畀你,一起身就喊,大叫喇!起人上嚟就會心微笑,突然間又攬住你:『媽媽,I LOVE U。』都好sweet,做嘢返到屋企雖然好攰,但係佢對住我笑,開門口歡迎我都好開心,乜嘢攰都唔記得晒,佢都有等我返屋企㗎,佢玩完冇乜嘢做,無聊就會諗起媽媽囉!」思琦又哈哈大笑說:「佢個個都錫,佢記得晒成屋人嘅名,中英文名都講,突然間叫我楊思琦,因為佢聽到婆婆嗌琦琦,佢就跟人咁嗌,真係有好多歡樂。」

卓穎身形瘦小,但是活潑可愛,在她歲半時候,被驗出疱疹一型,大病一場,楊思琦擔心不已,她說:「唔知點解會突然個肚裏面成泡膿,開咗一大刀,嗰陣時好擔心,醫生話好少案例,尤其係咁細個小朋友身上發現,好罕有。」

卓穎捱了一刀,思琦方寸大亂,幸好有婆婆悉心照顧,思琦說:「要小心照顧,其實希望佢食多啲嘢,食得慢,佢又唔係好吸收,歲半要學行又比較遲,學緊又突然有病要做手術,做完唔識行好擔心,好似唔記得點行,咁遲先學行就好擔心好擔心,喺一歲十個月先行,有啲一歲已經識跑,等佢o依家大個啲做適量運動,身體好番啲,等佢吸收啲,開刀都係有啲影響,比較瘦,會帶佢去調理吓,因為我一路都忙緊,希望佢高啲,快高長大。」

楊思琦為了愛女生活安穩,她不怕辛苦,經常到內地登台,但她希望在港可找到更多工作,方便照顧媽媽和女兒。思琦一直不想女兒曝光,現在的思想變得開放,她說:「係呀!不嬲都係,o依家佢大個啲,又活躍,又好奇,有時我返工去影相,都會畀佢睇吓媽媽工作係點樣,等佢了解吓,咁佢又好有印象,原來媽媽影相拍嘢係咁,都幾好,畀佢有啲體驗。」

(攝影:仇志德) 思琦話囡囡帶俾佢好多開心 就快開學喇!當然要買新鞋仔啦。
母女情深 錫錫媽咪
鍾意就快D Share啦!