掃呢頁CODE去手機

2015年10月8日 星期四

娶中學同學 徐天佑花盡百萬家財 [壹週刊 - 1335] 徐天佑,M1,



香格里拉

去年,天佑與 Olive飛香格里拉旅行,享受了一個非一般的假期。

娛樂偵訊

娶中學同學 徐天佑花盡百萬家財

娛樂圈今年特別多喜事,前組合 Shine成員徐天佑也趁熱鬧,公告與拍拖八年的中學同學 Olive於意大利訂婚,下月八日在港舉行婚禮。據知,天佑為娶老婆耗盡儲蓄!

冇兄弟姊妹團

今年情人節向女友 Olive求婚成功的徐天佑,將於下月八日在洲際酒店設宴四十圍,據了解,婚禮當日,只保留斟茶及接新娘儀式,但不會有玩新郎環節,亦不會有兄弟姊妹團。

近幾年,天佑接 job唔算積極,搵錢有限數,但為了今次的婚禮,他卻不惜工本,花盡百萬積蓄。

「之前冇諗過結婚,直到上年年尾,我寫緊個結婚故事,發覺自己都三十幾歲,女朋友都係細我一年,我唔諗佢都要諗,覺得係時候,咁就決定求婚!(喺洲際擺酒要使好多錢!)擺四十圍還可以啦,之前儲埋嘅錢都用咗,嚟緊兩、三個月忙啲,要再繼續努力。」徐天佑說,早已通知部分在外地的朋友十一月來港飲喜酒,包括小紅姐(惠英紅),亦早已 hold定期。

今年五月,天佑與女友飛意大利小鎮訂婚及影結婚相,順道慶祝三十二歲生日。

寫歌送老婆

成家立室,要積極搵錢養老婆的徐天佑,去年已開始籌備個人唱片。

「所有歌都係自己寫,詞就同 Wyman、陳詠謙等唔同嘅音樂人合作,已經錄咗四首,仲有兩首;有一首寫緊,曲寫咗,詞未搞好,係一首好簡單嘅愛情故事,想加自己同女朋友嘅經歷入去,不過仲寫緊,唔知點寫!(送俾 Olive嘅?)一半一半,其實咁耐以嚟,都未試過成功寫到一首歌送俾佢,因為好難完全講晒出嚟。」

天佑與黃偉文合作多年,今次單飛出碟,亦有情商 Wyman幫手。

自彈自唱,對天佑來說易過借火。

今年情人節,天佑以 99枝玫瑰及鑽戒向 Olive求婚,成功娶得美人歸。

唔係要攞獎

沒有拍檔,獨立出碟的徐天佑承認壓力一定有。

「要求唔同咗,一個人唱要唱得好,俾人睇到我係想做音樂,所有嘢要做好啲。我唔係有好大野心,好似以前出道咁啲歌要攞獎,我冇呢個諗法,咁係冇意思。搞完呢個 project,就會去計劃 Shine嘅嘢,睇吓有乜可以搞吓,上次開咗演唱會,今次唔想重複同一模式。」徐天佑說。

天佑早前為新歌《密陽》拍 MV,歌曲創作靈感來自韓國悲情片《密陽》,天佑從中有所領悟,因而寫下此歌。

2012年底, Shine舉行除夕跨年演唱會《 2012 Shine Passion Live》,勾起不少樂迷的那些年。

天佑與惠英紅合作電影而結緣,私下感情要好,天佑結婚第一個通知紅姐 hold期。

同學變配偶

徐天佑與拍拖八年的中學同學 Olive拉埋天窗,過往亦有不少圈中人的另一半是同班同學,大部分更是畢業後重遇撻着,緣分到!

吳尊

吳尊 09年與高中同學林麗瑩秘密結婚,當時二人已相戀 15年,正宗的癡心情長劍,二人現育有一女一子。

馬德鐘

馬德鐘與博士老婆張筱蘭是中學同學,二人讀中一已相識,但當時是鬥氣寃家,畢業後重遇才開始拍拖, 93年低調結婚。

谷祖琳

谷祖琳的老公劉穎恆,是她在澳洲讀大學時的同學,但當時並未過電,畢業多年後重遇,拍拖一年, 10年結婚,婚後誕下兩女。

撰文、攝影、攝錄:娛樂組

nextplus.nextmedia.com

鍾意就快D Share啦!