全城熱爆的娛樂八封新聞 & 時事趣聞 & 生活 + 趣聞
下個月就六十七歲嘅歡喜哥許紹雄，年近半百先同老婆龍嬿而生咗個女，兩父女相差幾近半世紀，但毫不疏離。原來有代價，為咗同囡囡溝通，一家人甚至一齊去唱 K。
早排歡喜哥又舉家出動，去九龍城入貨，負責做司機嘅歡喜嫂放低老公同女去泊車，喺海味鋪外等埋老婆嘅歡喜哥，同囡囡一齊睇手機，又挨身挨勢，零代溝！買完冬菇瑤柱之類大袋走，行前去賣台灣食品嘅鋪頭期間， Charmaine繑住老豆唔放，十七歲就快夠鐘讀大學，咁大個仲係咁黐身嘅！亦難怪，話晒媽咪係新加坡人，家教身教點都同啲港產虎媽有分別。
17歲嘅 Charmaine挨住老豆背脊玩電話，兩父女年紀差四十幾年，都冇問題。
細個喺九龍城大嘅許紹雄，係鋪頭熟客，店員推介，許太（箭嘴）冬菇瑤柱北芪……乜都買啲。
買完海味再去台灣食品店入貨，囡囡都係拖住許紹雄行。
撰文：八珍nextplus.nextmedia.com
