全城熱爆的娛樂八封新聞 & 時事趣聞 & 生活 + 趣聞
之前楊千嬅發高燒入院，仲幾乎搞到肺炎，醫生落令要全面停工，否則手尾長。好番之後，過去幾個月不停還債，除咗同丁子高周圍飛做深圳衞視真人騷《極速前進》，仲要做巡迴演唱會。
再唔得閒，千嬅都唔會放過接送 Torres嘅機會，至於其他，要勞煩老公幫幫手。《壹》仔之前就喺 Landmark見到丁子高陪外母飲茶，同行仲有個四眼女子，係千嬅老死兼舊同學。外母係半個阿媽，大條道理要好好服侍，連老婆閨密都當埋巴打，丁子高絕對係賢外助。
陪外母同老婆閨密（箭嘴）飲完茶，丁子高、千嬅媽由司機車返屋企。
一度停工養病的千嬅，病癒後夫妻檔幫深圳衞視做真人騷，跟住又唱巡迴，不停還債。
撰文：八珍nextplus.nextmedia.com
