42歲再傳喜訊，鬆身衫裙加平底鞋嘅童愛玲，行到攰要用手托住條腰。
同你吟一吟
42歲有餡 童愛玲凍飲冇有怕
有理冇理，生到 44！同台灣富商王敦民結婚十二年，有個十一歲仔嘅息影女星童愛玲，最近傳出喜訊，再造人成功。
42歲童愛玲有咗，要經常飛來飛去嘅王敦民，都盡量爭取時間，留喺香港陪老婆。之前《壹》仔就見佢兩公婆拍拖去數碼港睇傢俬、買玩具，之後再睇戲，入場前，爆谷送汽水；童愛玲唔怕做高齡產婦，連孕婦大忌嘅凍飲都照落肚，堅！
鬆身裙平底鞋打扮，個肚雖然未大到「隊」出嚟，但見童愛玲行得咁上下，都要用手撐住條腰；發現自己俾鏡頭影住，又下意識繑手遮肚。
至於都係台灣幫嘅王馨平，就唔同玩法，嫁咗俾做金融嘅 Stephen Lee十四年，依然二人世界。早個禮拜，同老公喺屋企附近兜圈，入超市書店睇吓，經過餐廳門口又揭吓啲 menu，最終都係幫襯茶記，買外賣返上樓食。
王馨平唔生 B，仲係無飯主婦。
|
鍾意就快D Share啦！
|
|
|
