掃呢頁CODE去手機

2015年10月15日 星期四

孫耀威識趣氹死女 [壹週刊 - 1336] 孫耀威,M1,



拍拖六年,孫耀威同陳美詩感情好到打風都打唔甩。

同你吟一吟

孫耀威識趣氹死女

無論當年俾無綫蝦,又或者早排有人喺網上向陳美詩問價,女友嘅事,事無大小,孫耀威一定行出嚟發聲。

拍拖六年,孫耀威話隨時準備同女友結婚,就差一步,但日常生活,其實同兩公婆冇分別。上個禮拜,兩個孖咇去咗太古商場 Great買嘢,做開香檳代理嘅孫耀威,職業病發作,戙响酒區睇咗好耐都唔願行開。

陳美詩冇詐型自動波周圍睇嘢,之後兩個 join番去上糧,壽司、沙律各樣執啲。俾完錢,一個購物袋,兩個一人拎住一邊,行去停車場攞車。

氹女,唔一定要買名牌送鑽石,孫耀威氹陳美詩,唔使花多餘錢,一袋嘢兩份攞,已經享受到生活情趣。

兩個人開餐唔食得多,沙律、壽司求其搞掂。

有做香檳代理經驗嘅孫耀威,戙喺威士忌酒櫃,慢慢睇,唔係買,只係要知道行情,尤其係啲日本威士忌,愈炒愈高價。

男友睇酒,陳美詩做番自己嘢,攞住支 beauty drink係咁研究,買唔買好呢?

一個購物袋兩份攞,同女友講嘢,孫耀威擺出冧樣,咁知情識趣,加晒分

撰文:八珍

nextplus.nextmedia.com

鍾意就快D Share啦!