掃呢頁CODE去手機

2015年10月15日 星期四

唔該借歪 劉鳴煒膽拖何猷君殺晒 [壹週刊 - 1336] 鳴煒,猷君,何猷君,劉鳴煒,M1,



劉鳴煒同長髮女邊行邊傾,二人雖冇親密動作,但唔知點解,由長髮女動靜神情中,八珍硬係聞到有啲嘢。

同你吟一吟

唔該借歪 劉鳴煒膽拖何猷君殺晒

以前大台一哥陳豪被稱筍盤,俾陳茵媺私有化後,就由馬國明、黃宗澤接上。其實得啖笑!靚車鑽石分級數,筍盤一樣。單身富二代有先天條件,自動入選筍盤類別,不過,有錢單身讀書叻又靚仔,仲要多頭髮嘅鑽石級筍盤,個人認為,大劉同寶詠琴個仔劉鳴煒當之無愧。

事先聲明,純粹睇仔,無任何立場,所以劉鳴煒之前叫後生一代去少啲旅行,睇少啲戲儲首期嘅講法啱唔啱,唔係討論範圍。

上星期三(十月七日),傍晚七點,《壹》仔臨收工前見到劉鳴煒同個高瘦長髮女子,由 ifc行去機鐵香港站方向,全程有傾有講,等𨋢期間,二人面對面,你眼望我眼繼續傾,《壹》仔唔識讀唇,但不論講嘅係公事定私事,只見長髮女對住靚仔又有型嘅劉鳴煒,完全招架唔住。

三十四歲劉鳴煒擺明係港女頭號,不過如果唔鍾意離過婚有仔女嘅,仲有四太仔何猷君,屋企大把,生得靚仔,數學神童,讀麻省理工,得廿歲。

劉鳴煒膽拖何猷君,你咪話我講,小小超李澤楷都要借歪。

面對住型英帥有齊嘅劉鳴煒,長髮女挨住欄杆成個軟晒!唔係要暈呀?

喺 Landmark撞到朋友,傾咗一陣,官仔骨骨嘅何猷君側面睇,竟然成個謝霆鋒咁。

好樣讀書又叻之餘, 20歲猷君更加冇有錢仔包袱,為 By2女友 Yumi做阿四,出入自己打的唔使司機服侍,乜都得!

撰文:八珍

nextplus.nextmedia.com

鍾意就快D Share啦!