全城熱爆的娛樂八封新聞 & 時事趣聞 & 生活 + 趣聞
是日收起巨胸嘅靚靚，一細袋（箭嘴）就收手，不過收 call有人遙控問價，靚靚即場篤，但都係問吓啫！
袁詠儀嘅最愛，囝囝魔童老公張智霖外，仲有愛馬仕 Hermes。上星期四（十月八日），靚靚又走咗去銅鑼灣利園一期 Hermes巡鋪，長期熟客兼自己友，店員招呼親切程度，更勝鍾意 cash交易嘅同胞。
喺街撞到 TVB舊同事，包括前港姐保母陳紫蓮（箭嘴），大家開心到𠵱嘩鬼叫，又攬又笑。
買完轉場去希慎廣場 SaSa揀護膚品，貴平都買齊。唔係講笑，女人使錢，偶然會出現罪惡感，即使自己搵錢叻嘅靚靚使到咁上下，個腦就會自動分泌不安，但荷包同身體一樣，只要攞到平衡，就心安理得，乜事都冇。
撰文：八珍nextplus.nextmedia.com
