45日後女神去咗邊？謝安琪崩塌 [壹週刊 - 1336] 女神,謝安琪,M1,

上週在澳門舉行巡迴演唱會的 Kay，著住 tube-top配長裙，成嚿腩肉唧出嚟。

探熱針

45日後女神去咗邊？謝安琪崩塌

能夠以高齡姿態入選高登女神，三十八歲的謝安琪經長時間改良，逐步變靚啲， V面、動漫眼成為女神標記，唔少女星爭住倒模。但女神唔易做，稍有鬆懈，就打回原形。日前，見到謝安琪一身復古打扮遊中環，不過佢突然走樣， V煞面冇咗，下巴鬆泡泡，加埋條高腰褲凸顯下半截混身是肉，娘味勁濃！

女神去咗邊呀？

拍劇出事

為咗頭家，日捱夜捱的謝安琪，要守住女神之位，定時定候就要執一執，務求 V煞樣保持新鮮；加上奶奶做咗美容產品直銷會員， Kay要做生招牌幫手搵生意，身材樣貌，時時刻刻都要保持最佳狀態見人。

後天維修有時限，高到低的過渡期，莫講話當事人頂唔住，旁人一眼亦睇晒！

女神失守！早前謝安琪被指腰圓發福，搞出大肚疑雲，事後她澄清因為拍無綫劇《殭》日夜顛倒，搞到壓力爆煲，要暴食減壓，更要努力減磅；但事隔數月，仍然脹卜卜，冇進展。

9月硬繃繃

個半月前塊面仲硬繃繃，緊到似剝殼雞蛋，冇見一排，突然鬆晒。

之後換一條閃令令短裙跳勁舞，驟眼睇個身形仲有啲似欣宜。

古董包包

雖然肥到俾人當大肚，但女神信心十足十！當日上身著住白色 V領短袖 tee、黑色 tube-top若隱若現的她，下身卻襯條勁蝦人著的高腰牛仔褲，即使有對五吋內踭厚底鞋駁長對腳，依然無補於事。圓碌碌、髀粗粗、躉大大，腰都冇埋！謝安琪仲孭住個同身形唔合比例的 Chanel Vintage羊仔皮背囊，由頭到腳，九唔搭八。

肥！但係天后出動，人馬疊疊！一行人等司機到，見到記者，謝安琪笑晒打招呼。睇真啲！唔只身材有變，連個樣都走埋，化咗淡妝的她，尖下巴唔見咗，塊面啲肉仲鬆泡泡，散晒！

Chanel Vintage背囊是不少 Chanel迷近年追捧的潮袋，但孭喺 Kay身上，就同深圳大媽冇分別，一個字：娘！

側面睇，著高腰貼身牛仔褲的 Kay，由上而下，都係一碌柱。

激罕 Chanel

謝安琪孭住遊中環的 Chanel Vintage背囊，是近年唔少 Chanel粉所追捧的款式。今年四月，香港連卡佛曾經舉辦 Chanel Vintage展，來自美國的 Founder，將世界各地 60至 80年代的 Chanel Vintage系列引入香港，部分更是來自古董店，而且全部貨品只有一件。但要注意， vintage款 Chanel如有損毀，專門店未必受理，提供保養服務。

撰文、攝影、攝錄：娛樂組

鍾意就快D Share啦！

下一篇 》