掃呢頁CODE去手機

2015年10月15日 星期四

股民注意 瘟神鄭少秋買 notebook呀 [壹週刊 - 1336] 鄭少秋,M1,



秋官同助手喺時代廣場九樓電器鋪樓層,騰來騰去睇 notebook,又同店員講到郁晒手,不過,始終揸唔定主意買邊款。

同你吟一吟

股民注意 瘟神鄭少秋買 notebook呀

今時今日,做人千祈咪同科技甩咇,否則的話,好易會出現生活不便。仲有兩年就七張嘅秋官鄭少秋,都係咁話。

有日《壹》仔喺銅鑼灣時代廣場,見到秋官同助手「捕」咗喺電器鋪睇 notebook,聽店員詳細講解,不過秋官冇諗法,猶豫唔知揀邊款好,終於都係要等到老婆大人官晶華出現,只見佢三扒兩撥,已經揸定主意,碌卡俾錢。

之後助手走先,兩公婆留低飲咖啡。由買到落糖加奶,秋官都係大爺咁,坐定定。八珍求神拜佛,秋官買 notebook唔係自用,麻煩大俠高抬貴手!單係你個嘜頭,已經搞到冧晒市,如果你手痕入市嘅話,咁就……

老婆官晶華嚟到,三兩吓手勢,已經拍板碌得卡。後生十幾年,果然唔同啲。

助手攞埋部 notebook走先,兩公婆坐低食 tea,官晶華買完仲幫老公落埋糖奶,服侍周到。

食完秋官起身就行咗去,官晶華主動清場,有手尾有品,值得讚。

撰文:八珍

nextplus.nextmedia.com

鍾意就快D Share啦!