插圖：祝健中
猜心羅生門
食埋好姊妹？
Arke：姐姐，我有個男朋友 Tony成日問起我關於你的事，仲問我：「你估 Iris會唔會都鍾意我呢？」
Iris（笑）：我記得邊個 Tony。姐姐都已婚了，佢亂噏啫。
Arke：起初我都當他講笑，但他隔幾日又換個方式講一次，我唔覺得幽默囉。
Iris：妹妹，你反感嗎？
Arke（懵然）：當然反感，反正我咁多男朋友，少佢一個唔少。
Iris（面色一沉）：既然如此，姐姐認為──某程度上， Tony是認真的！當然唔代表我比你靚或更加吸引。
Arke：吓？怎可能係認真？
Iris：心理學家話，無心快語尚且反映一個人的內心世界，何況他成日提起？我唔知點形容，姑且叫「戒唔甩原始人症候群」吧──古代人往往發生「閉門一家親」的醜聞。因為古時女子三步不出閨門，絕少返工返學；男人要結交異性欠缺渠道，盲婚啞嫁的夫妻關係又不滿足，慾火難耐，惟有近水樓台向家族中人埋手，雖然未必亂倫咁變態，但叔嫂、姊夫妹夫與姨仔之間，就容易擦出火花了。
Arke（點頭）：我聽過潘金蓮勾引武松。
Iris：男人做主動的比較常見。漢朝有個陳平私通大嫂，漢成帝就食完趙飛燕又食妹妹趙合德；唐明皇更絕，楊貴妃的姐姐嫁了人，照樣被他召入宮寵倖；例子不勝枚舉，發生在民間的一定更多。
Arke：姐姐你真博學。
Iris：某些部族索性有幾兄弟同時娶幾姊妹的群婚習俗，不扯太遠了，主流還是男權思想作祟。
Arke：但 Tony係現代人啊！
Iris（娓娓道來）：所以我說他是未戒甩原始人意識──三妻四妾可以透過濫交和婚外情去古今通行；潛藏的「閉門一家親」毒血今時今日就很難得到滿足了，於是口頭上佔佔便宜，嚴重患者有機會還付諸行動。其實不只你，我聽過不少麻甩佬曾經對老婆的好姊妹口花花呢。所以，並非 Tony特別喜歡我，而是他特別喜歡這種「出軌」的快感。
Arke（若有所思）：原來如此……
Iris：妹妹，你在想什麼？
Arke：個壞鬼 Tony我諗住撇咗佢啦。別介意，以下純粹幻想──如果迷戀一個男人不能自拔，而又明知阻不到他拈花惹草，只要並非親生姊妹，女人可能真有理由成全他食埋自己好姊妹、手帕交，免得他愈玩愈遠，還可以多個「盟友」來一起對抗「外敵」。
Iris（無奈）：嗯，一個現象能夠從古到今蔚然成風，總有些所謂「正印」是默許的，大前提要男人很有吸引力或很有錢。
Arke（奸笑）：對，豈不盛傳城中富豪的三奶本來是大婆的心腹護士嗎？應該為夾擊二奶吧？都算建立聯合陣線啊！
Iris：不過提提你，你這種想法也是戒唔甩封建遺毒。
作者介紹
Iris和 Arke是希臘神話裡一對孿生姊妹，托生今世成為本欄主持人，為大家解決情場和職場種種難辨錯對的羅生門事件。
Iris：善良正直的 OL，擅長心理測驗和分析。
Arke：敢愛敢恨的辣妹，擅長星座占卦。
撰文： Iris& Arke
|
鍾意就快D Share啦！
|
|
|
