Coco在名店索取廚師逾廿萬元禮物，成為報章頭條主角及網民群插對象。她接受本刊專訪時承認，某程度上她是拜金港女。
壹號頭條
𡃁模 Coco專訪 姿色代知識 尖子變騙子
年輕女模特兒初次約會男廚師，索取廿多萬元名牌禮物，事敗後偷去對方手機留案底。她最近上訴，親自向法官辯稱「我覺得佢送禮物係理所當然」、「我只係想攞番啲車馬費」，句句觸動網民神經，圍插她「做雞」、「係大眾公廁」。
事件女主角 Coco原來中學會考獲一優五良佳績，這個尖子希望透過「拔尖」途徑入讀大學新聞系，將來擔任女主播，可惜只差幾分失敗而回。同時，師兄介紹她私影，「當時獎學金得一千蚊，但原來我打扮吓，已經有三位數時薪。」她自小深信知識改變命運，「但原來姿色可以代替知識。」
Coco輟學入行，承認想賺更多錢，「但我只係想搵正當嘅快錢」，賣性感但不賣身。她自稱基督教徒，仍保處女之身，哭訴「我唔係雞」；又爆出案中案，稱曾被「經理人」非禮，報警後對方失蹤，才與廚師外出，想透過他找尋經理人下落。
網民大罵 Coco之餘，不少人更聲稱曾被她騙財。其中一名 Coco追求者現身爆料，稱先後被她騙去七萬元，形容 Coco擅於利用口才誘惑男性，其實是個騙子。
原名袁晴晴的 Coco今年二十四歲，與母親及二十歲胞弟同住公屋，她三歲時父親患癌離世，留下積蓄，家人生活不成問題。因上訴案登上報章頭條當日，她透過電話向記者哭訴「我係港女我認」，但堅稱不曾為錢與人性交，想取回公道。
訪問當天，途人不時望向 Coco，她不斷閃避目光，向記者稱「未試過咁驚出街」。她不時在社交網站上載性感拋胸照，網絡中薄有名氣，但樣貌被網民狠批整容失敗，「係咪撞完車嚟？」對此她一笑置之，「多謝佢哋覺得我靚咗，如果我整容，應該唔止呢個樣，應該再女神啲。」表現一派自信。
因案件被批評見錢開眼，網民留言問她「讀完中五未？」原來 Coco自細是乖乖女，由幼稚園到小學每年考第一，屢獲獎項，經常做義工，訪問當日亦帶來獎狀證明。她就讀慈雲山保良局何蔭棠中學，幾乎年年考第一，「我當時覺得成績係一切，可能因為冇咗爸爸，覺得應該俾媽媽一個好啲嘅環境，將來搵份好工。」
小時了了 會考廿五分
Coco中學會考取得佳績，中文和英文分別得到相當於 A和 B的 5*及 5，其餘數學、中史、經濟及會計學原理均考獲 B。她中四、五時擔任校園記者，曾訪問時任食物及衞生局局長周一嶽，亦以校記身份在報章寫了一年專欄。班主任對她的評價是「他朝能成大器」。可惜，她讀完中六便退學，她謂當時經常在社交網站貼出化妝相及走堂接工作，「全校唱她援交」，故轉讀私校，再往知專設計學院選修數碼音樂及媒體高級文憑，但之後輟學入行，現於模特兒界大器未成。
高才生為何變成𡃁模？ Coco指轉捩點非因遭逢巨變，而是會考後，她對人生有新的想法：「我以前好努力讀書，要自己上、下學期考第一，一年拎到獎學金得一千蚊，對學生嚟講好多錢；但原來我打扮吓，已經有三位數時薪，可以搵更多錢，唔使死讀書。」 Coco訴說往事時語氣仍堅定。
私影賺錢 多過獎學金
「可能一般人會覺得廿五分好高分，但我當時希望自己考到三十分，可以拔尖，學校都認為我可以有五至六個 A，我都想為學校爭光。」會考結果對她來說是挫折。中六時，一名她做義工時認識的大學師兄幫她拍了一輯照片，「我當時覺得幾好玩」，師兄再介紹她私影，「我諗原來人生唔只得讀書，可以試吓幕前。」
Coco自稱喜愛思考，自小認為知識可改變命運，拔尖失敗，再參與模特兒工作，令她頓悟「原來姿色可以代替知識」。她現時認為：「冇做任何一樣嘢唔係為錢，如果 care錢係港女嘅，咁我認……但我只係想搵正當嘅快錢，做個有墨水嘅花瓶。」
只賣性感 拒十萬包養
Coco現時做主持、拍照兼出活動，月賺八千至兩、三萬。她期待兩、三年後可「接一個 job有五位數」，但對沒升讀大學完全不後悔，仍覺得：「依家比起做份穩定 OL工，得萬零兩萬蚊好。」
她透露金融界一位薄有名氣之人，曾開價十萬元求包養她一個月，她拒絕；亦有人表示可捧紅她，但要她出賣肉體，她都沒接受。 Coco自稱信奉基督教，反對婚前性行為，「如果係男友嘅可以攬錫，如果唔係男友，拖攬錫抽水我都介意。」她認同業內黑暗，只想找到伯樂助她成為藝人。
Coco口才了得，但當提及男女關係時，說法相對牽強。訪問之前，她自稱不曾拍拖，但訪問時她隱晦地說：「我冇第一個男朋友，有散拖 dating。」承認經常有醫生、律師、售貨員及大學生等約她，每週最多約會兩至三次，對方會送禮物，她收過最高價的禮物約值七至八萬，付鈔者是對她有意思的老闆。到底 Coco收過多少次禮物，她說沒數過，「我唔係非常崇尚名牌，但做呢行一定要有一兩個充撐，我通常收完會變賣，幫補屋企。
「我覺得人哋追我，送嘢俾我，我收係冇問題……但我冇收兵，我接受佢哋好意，因為都要睇清楚個男仔送嘢俾我，係咪真係想呃蝦條（騙上床），定真係鍾意我。」
她有另一個港女特質，便是經常在網上自稱公主，但她認為沒問題，「我係公主但我冇病，每個女仔都鍾意被人錫，鍾意做公主。」
對於網民批評她「做雞」， Coco激動否認，哭訴自己是「唔煙唔酒唔蒲嘅女仔」，仍是處女。「你哋邊個覺得我做雞？你哋邊個有同我發生過關係？你咪行出嚟囉，你哋根本唔會搵到（我嘅）黑材料。」
案中有案 驚爆遭非禮
至於庭上一句「早知佢係廚師，我唔會出去」，令人覺得她是拜金女。她向本刊解釋時，稱跟二十八歲廚師約會，背後竟與一宗她聲稱被非禮事件有關。事緣去年七月，她認識男子 Brian，對方雖非她的經理人，但就如經理人般帶她去過幾次活動。其後一次派對，「佢飲咗幾杯，愈坐愈埋，伸手攬腰，仲愈摸愈落，又錫我塊臉同嘴我。」她事後發現其他模特兒都有相同經歷，於是報警， Brian卻人間蒸發。
「我以為透過廚師可以搵到 Brian，因為廚師係唯一一次 Brian帶我出去同佢單獨食飯嘅人。」她當日在銅鑼灣時代廣場一見到廚師，就問他有否 Brian聯絡方法，但廚師稱沒有。明明已找不到 Brian， Coco卻出奇地變成跟廚師行街買禮物。她稱因廚師一直追求她，「佢當日留我食飯，我出於禮貌留低，佢話食飯前行吓街，其間問我可唔可以做佢女友，我都拒絕，佢就為表誠意叫我揀禮物。」
睇錯鑽鏈 埋單二十萬
Coco稱當時理念是「人哋送禮物，基於禮貌可接受」，便在 Chanel選取兩萬多元禮物。埋單前，廚師卻問她「一 Q幾錢」，令她非常憤怒。「我好憎呢啲人，呢啲錢佢唔用喺我度，都會用喺同其他女仔去 trade（性交易），所以我再揀多條鏈！覺得收佢禮物係理所當然。」她以半哭聲線解釋，因 Chanel沒價錢牌，埋單才知總數值逾廿萬，原來該條是碎鑽鏈。 Coco為擺脫貪錢港女形象，努力解釋。
她向記者出示報案紙，記者問她為何不找警察聯絡廚師找出 Brian，她支吾說了兩次「我知道」，便重複上述解釋。跟她一樣被 Brian非禮的女模特兒是否可出面作證，她稱已跟她們反目。她亦不知非禮案調查進度，因當時受盜竊案困擾，沒理會警方來電。
受害者群起翻舊賬
Coco承認以往有貪念，但只限收取追求者的禮物，強調是對方自願贈送，她從沒欺騙任何人，亦沒盜去廚師手機，因此上訴。然而，社交網站最少有四人稱曾被她騙財，其中任職運輸公司的 J先生表示，被 Coco騙去七萬元。
他憶述，數年前在網上認識 Coco，直到今年參加其生日派對，才首次與她見面，之後亦有約會。他坦言當時已單身兩年，對 Coco有好感，「唔係因為佢個樣，而係佢嘅說話同埋神態。」有一次，他與 Coco乘搭地鐵，車長煞車令她失平衡，他輕輕摟着她的腰，之後叫 Coco扶穩，她回應：「唔緊要，你喺度我放心。」他形容被 Coco的說話誘惑了。
證據不足 警無法落案
今年六月二十七日兩人外出， Coco聲稱「同屋企人用聯名戶口，唔想佢哋知我用錢」，要求他幫忙以信用卡簽賬約三萬元，購買一部 iPhone 6、一部 MacBook和四對限量版波鞋。她原本答應即日還錢，之後稱要返內地。至翌月十六日，他約 Coco外出收回借款，她再要求他幫忙購買 Chanel化妝品和四部 iPhone 6，總數約四萬元，前後共借去約七萬元。
購物後，二人前往吃飯，其間 Coco不小心翻瀉飲料，弄濕打算用來還錢的現金支票。她之後稱須回家取新的現金票，歸家後卻聲稱家人不讓她外出，自此便消失於他眼前，又封鎖二人之間所有聯絡渠道，他才發現已被騙。他回想，當時覺得朋友之間講求信任，一直深信她會還錢，故沒寫下借據。
「我覺得自己係蠢嘅，點解俾佢連呃兩次。」他曾想報警，但無證無據令他無法入手。 Coco上訴事件成為報章頭條後，他到警署報案，「諗住呢個時間再多單 case，令個官再留意。」但最後證據不足，警方沒有落案。
除了 J先生，不少人翻 Coco舊賬，有指她早於中學已在網上以清水當香水賣。她任職模特兒時，試過借錢後封鎖對方電話，遭對方「踩場」追數，甚至賣假手袋予另一模特兒，弄至報案收場，涉及金額由數千至數萬元不等。
有份在社交網站批評 Coco的去年香港小姐十強梁詩其及模特兒中介人陳梓瑩說，一、兩年前認識 Coco，初時認為她口才了得，斯文有禮，對她印象不俗，但熟落後發現她愛貪小便宜，其後與她反目。
好友反目 罵她貪便宜
陳梓瑩在一次電影選角試鏡認識 Coco，試鏡過程中，她突然自稱處女，「我哋都冇講到呢個話題，係佢自己冇啦啦講。」陳其後因同情 Coco來自單親家庭，是家中收入支柱，特別多介紹工作給她。她們其後一同去泰國旅行，惟 Coco只帶了一千元港幣，全程「黐飲黐食」。
之後， Coco參加陳舉辦的車模比賽，明明以 0.5分之差只得第三，卻一直對外宣稱獲得亞軍，「佢話我哋計錯分，話佢同亞軍同分，又偷咗亞軍條彩帶嚟影相。」陳曾叫她刪除相關失實內容，惟她不肯，更在社交網站責罵陳，兩人因此反目成仇。 Coco更稱：「第日我紅咗，你唔好求我幫你做嘢！」
陳指跟 Coco是朋友的幾個月內，二人外出時「佢幾乎冇俾過錢，佢最叻就係話大家係 friend冇計。」有次兩人去食甜品，埋單時 Coco取出手機一直按掣而不付款。對於 Coco自稱「唔煙唔酒唔蒲」，陳說其實她經常出席有酒精飲品供應的飯局、派對。她們在泰國旅行時， Coco每晚跟男性通電話，卻聲稱是她弟弟。
時時刻刻 句句講大話
更加嚴重的一次，是她跟 Coco與一名車房老闆見面後，老闆的朋友發現銀包不翼而飛，最終在 Coco的袋內搜出銀包，「當時佢話冇呀，唔關我事㗎。」事發後， Coco向她表示，老闆曾經對她毛手毛腳，但她現時回想，「認為佢係想隔絕我同老闆聯絡而講大話……我覺得佢時時刻刻句句都係大話，好恐怖呀佢。」
對於騙財指控， Coco一律否認，「我原本唔識佢（ J先生），佢做咗我 facebook friend三至四年，之後幫我搞生日 party，佢當我係女神，叫自己微臣，我只係借過佢五千蚊，但已經還咗。」至於陳梓瑩以往是她的朋友，其後已因事反目。
撰文：李啟發、羅霈潁
攝影：郭永強、鄒潔珊
攝錄：莫智謙
news@nextmedia.com
|
鍾意就快D Share啦！
|
|
|
