掃呢頁CODE去手機

2015年10月1日 星期四

熊黛林谷胸招親向男友逼婚 熊黛林,

熊黛林大膽開腔表示已到適婚年齡好耐,唔想太大年紀先生B。

熊黛林谷胸招親向男友逼婚

熊黛林昨日以超Deep V低胸裝谷出「湯碗胸」兼大露背,終極性感出席電影記者會,其動作僵硬之餘,更令同場兩位「人夫」甄子丹和張晉尷尬得全程不敢亂望。而熊黛林在場更豪語公然向男友逼婚,坦言已到適婚年齡要趁快生,邊個想來就快報名,更撒嬌謂:「呢啲要等人開口!」

藝人熊黛林、吳千語、甄子丹、張晉,聯同監製黃百鳴和編劇黃子桓,昨日出席電影《葉問3》預告首播記者會。身穿性感白色超Deep V、真空大露背上陣的熊黛林,露出「湯碗胸」成為全場焦點。在旁的吳千語亦不遑多讓以露背裝抗衡,令記者會生色不少。熊黛林的湯碗胸,連「宇宙最強」的「葉問」甄子丹和張晉都避嫌不敢亂望。熊黛林笑言:「佢哋無乜機會見到我咁低胸,拍戲時由頭包到落腳嘛,今日貼晒膠紙唔敢亂郁。」

大膽放風趕住生B

當記者問到熊黛林會否出席黃曉明與楊穎(Angelababy)婚禮時,她趁機公然向男友郭可頌(藝人郭可盈弟弟)逼婚,她先說:「睇吓時間盡量出席,禮物都未諗。」問到會否有結婚的衝動時,她即借意謂:「我都到咗適婚年齡好耐啦,要快啲有人大膽啲提出。我係一定生小朋友嘅,唔想太大年紀先生,怕修唔到身,邊個想就快啲來報名啦。(但你有男友o架嘞喎?)呢啲要等人開口,唔係自己講。(有傾過?)冇,我好忙。」

熊黛林直言希望男友郭可頌快啲求婚。
  • 熊黛林直言希望男友郭可頌快啲求婚。
熊黛林以超Deep V、真空上陣大晒波邊。
  • 熊黛林以超Deep V、真空上陣大晒波邊。
以露背裝示人的吳千語,指男友林峯不批准谷胸。
  • 以露背裝示人的吳千語,指男友林峯不批准谷胸。

千語睇廚具做煮婦

同場,穿上露背裝示人的吳千語亦明艷照人,問到有否膽量效法熊黛林的谷胸着法?她則坦言不獲男友林峯批准:「未得住,太緊張。(林峯唔畀?)真係唔係好畀o架,佢怕我走光。佢知我性格四圍郁,露背就無所謂嘅。」對於有指她與林峯日前結伴逛廚具店,並豪花十多萬買廚具,她說:「睇吓啫,冇買。我鍾意煮嘢食,所以都會睇吓啲新焗爐。通常我負責煮,佢負責食。(讚你手勢好?)你要問番佢啦。」

熊黛林與千語受訪時,不慎露出鎖骨膠紙。
  • 熊黛林與千語受訪時,不慎露出鎖骨膠紙。
郭可頌不時車熊黛林出入,可謂跟得男友。
  • 郭可頌不時車熊黛林出入,可謂跟得男友。
熊黛林與男友郭可頌常恩愛出聚會,似乎感情穩定。
  • 熊黛林與男友郭可頌常恩愛出聚會,似乎感情穩定。

此外,有讀者爆料指她的母親向身邊人透露,二人正為婚事籌備並已在港訂下酒席,更到外國訂製婚紗。吳千語對此否認謂:「冇計劃過結婚。如果有呢個諗法唔會隱暪,大家唔使信呢啲,有第一手資訊會向大家講。(傾過?)真係冇,呢兩年工作密晒。我要拍戲,佢要開個唱,根本冇時間。」問到會否與林峯結伴出席Angelababy及曉明的婚禮,她表示:「原本應承咗會出席,但依家撞咗期要到韓國拍戲,諗緊辦法彌補。其實禮物已經諗好咗,係訂造的家品嚟。」

文:影視組

鍾意就快D Share啦!