全城熱爆的娛樂八封新聞 & 時事趣聞 & 生活 + 趣聞
江華大仔 Brian生得高，個相頭亦唔錯，但對俾鏡頭「隊」住，江華仔就周身唔自在。
江華同麥潔文個女陳薔天要做歌星，老豆親自郁手幫囡囡搞造型，其實佢哋仲有個仔，今年廿二歲，有高度有嘜頭，可以入行做星二代。
八珍聽二五講，江華仔 Brian好乖，見媽咪麥潔文一個教唱歌撐住頭家，中學畢業後就即刻搵嘢做，幫輕老媽子。不過咁，做緊男護嘅 Brian亦唔似細妹咁喜歡入娛樂圈，見到自己俾《壹》仔「隊」住，即刻啤行唔 alright。但無論點睇，江華仔比江華女易執！真係可以諗諗入行！
同囝囝睇戲，又同老婆麥潔文撐枱腳，江華講乜講到咁肉緊！
囡囡陳薔天想做歌星，麥潔文鋪橋搭路做水泡。
拖住手行去攞車，經過時裝店，要幫囡囡做形象嘅江華打雀咁眼𥄫𥄫！
撰文：八珍nextplus.nextmedia.com
