2015年10月4日 星期日

楊怡回味台灣蜜遊: 非常好玩 楊怡,



【孖謙謙遊夜市】楊怡回味台灣蜜遊: 非常好玩

2015-10-04 14:35:00



日前被本報記者於台灣撞到跟男友羅仲謙蜜遊饒河夜市的楊怡,今日中午同黃長興及長興歲半大女兒黃晞桐出席青衣城舉行嘅BB大賽。

面對傳媒訪問,楊怡先以普通話講:「Hi,大家你們好。」似乎仍樂在台灣蜜遊,楊怡春風得意話:「好玩好玩,非常好玩,我都知你哋想問乜,首先回應係冇你哋期望嘅嘢先,期望啲乜我唔知啦,今次我去台灣有去探班嘅,咁我都係同朋友去,阿謙仔喺嗰邊拍緊電影,我都知我俾人影咗,俾人影時我哋都知。」

台灣探謙頻之旅前後六日,楊怡就否認每日都係陪謙謙,期間都有同朋友去玩,因為謙謙要拍戲,冇咁多時間去玩,而佢自己就完成手頭工作,咪有假期可以去玩下放鬆休息下,問到有冇順便補祝生日?楊怡話:「其實生日唔可以補祝,媽咪話唔好,所以冇話補祝任何嘢,純粹去玩下。」講到謙謙應該好開心,佢話:「有人探班同有朋友自遠方來係開心嘅,我覺得我自己都開心,可以去放下假,不過遇著打風。」遇著大風係咪有謙謙保護?楊怡甜笑話:「唔駛,我唔會吹得走。」佢仲話同行友人係男性,但被寫為女性感到唔開心。

兩人戀情開始不再避忌,問到是否好事近?佢話:「都係好事近,就嚟聖誕節,好開心,冇話係咪好事近,台慶就嚟,如果台慶有獎攞我就係好事近。」會否攞獎講愛的宣言?佢話:「睇緣份,有獎係上天賜,都會考慮。」跟住又表示愛的宣言係「我愛TVB」。

問到會否謙仔上台得獎呼聲高啲,等佢講愛的宣言?楊怡話:「咁恭喜佢,你哋問佢。」會否期待呢一刻?佢話:「我其實好多嘢都期待,好似台慶有獎。」

長興抱住愛囡晞桐接受訪問,首次跟囡囡一齊出席公開活動,佢指囡囡都唔算怕醜,不過之前因為工作關係甚少在家,長興話:「早前佢跟媽咪多,我少時間喺屋企,最近先知道邊個係爸爸。」O依家囡囡讀緊兩個學習班課程,長興都知香港讀書壓力比法國大,但都想畀囡囡接受下,稍後都會幫囡囡報本地及國際學校幼稚園,到時再睇邊間收,問到會否再生BB?佢話:「都想生多個,我好鍾意小朋友,起碼兩個,若果係仔就湊個好字,但唔到我決定,係自然方法。」



(資料圖片)



楊怡今日心情好好 (攝影:仇志德)



同黃長興及長興歲半大女兒黃晞桐出席BB大賽



提起台灣蜜遊,楊怡話好好玩







鍾意就快D Share啦!
Related Posts Plugin for WordPress, Blogger...