掃呢頁CODE去手機

2015年10月22日 星期四

短褲人妻Kay偕人夫聰 帶仔「跳降傘」 Kay,謝安琪,





其他影片:>>






人妻謝安琪(Kay)同老公張繼聰不嬲都好錫個仔,一有時間就湊仔享家庭樂,今日趁住重陽節公眾假期,佢哋就帶住8歲囝囝張瞻去迪士尼樂園玩番day,有讀者鄭小姐報料指影到Kay全家出動遊園相,最搶眼一家三口對鞋同係啡色,襯到絕,潮媽Kay仲唔介意着短褲,露出佢對玉腿晒「哥利」,由於Kay對靴都成4吋,雖然係粗踭,但始終行起來唔方便,佢惟有放慢步,睇嚟貪靚真係要付出代價。

今日晏晝5點幾,張繼聰帶住老婆同囝囝入園玩機動遊戲「玩具兵團跳降傘」,同行有工作人員傍實,咁佢哋就獲安排行特別通道,即使遊客好多,但佢哋好快就有得玩。

兩夫妻夾住囝囝坐中間,三人排排坐升到空中,大過跳降傘癮。當遊戲玩完落番地,好開心嘅張瞻就跟實爹哋,但Kay對靴太高,只得包尾行後面。佢哋一家三口對鞋都同色,款式又差唔多,睇嚟出動係有經過配搭。

Kay一家現身,即被遊客野生捕獲,輪流要求同佢哋合照,但論人氣,呢鋪係張繼聰受歡迎啲喎。

Kay同張繼聰今日帶囝囝張瞻入迪士尼玩。(讀者提供圖片) 張繼聰陪囝囝玩機動遊戲,一副慈父樣。(讀者提供圖片) 玩完之後,Kay扶住囝囝走。(讀者提供圖片)
Kay一家三口着家庭裝啡鞋,勁搶眼!(讀者提供圖片) Kay着住對4吋靴,睇見都戥佢辛苦。(讀者提供圖片)
鍾意就快D Share啦!