掃呢頁CODE去手機

2015年10月22日 星期四

無 P圖泳衣照流出  46歲張可頤索過選港姐 [壹週刊 - 1337] 張可頤,港姐,M1,



近年勤力做運動的張可頤,對自己充滿信心,夠膽素顏出鏡,又唔會用美圖秀秀執相。

娛樂偵訊

無 P圖泳衣照流出  46歲張可頤索過選港姐

正展開了悠長假期的張可頤,一個月的歐洲之旅走遍英國、冰島、克羅地亞等地,睇北極光,浸冰火溫泉,享受人生。

雖然已經 46歲,但夠勇氣又自信!張可頤分享了大量素顏照放上社交網站,圖片均未經美圖秀秀,本刊更得到一批絕密泳衣照,身形與十八年前參選港姐時有過之而無不及,尤其是一雙長腿,反而比以前更幼更索。大把本錢,難怪張可頤夠膽唔上色見人。

放假一個月

要返大陸拍劇,又要兼顧在元朗開設的興趣學習中心,張可頤忙完手頭上工作後,決定放自己一個月假,休息回氣。

由於張可頤十九歲開始到英國留學寄宿,之後在曼徹斯特大學( University of Manchester)讀大學,所以她選擇由英國開始旅程,十月初起行,先飛到當地探朋友。

之後一站是冰島,主要目的是為了睇北極光。出發前,張可頤更買定新相機,希望可以捕捉到大自然奇妙一刻,結果好好彩,連續兩晚都睇到北極光,還一晚靚過一晚,她開心到瞓低地下,睇足成晚。

94年

當年參加港姐,張可頤身形反而不及現在 fit。

張可頤在冰島 Blue Lagoon浸冰火溫泉,更試埋火山泥面膜。

冰火溫泉

除了北極光,張可頤更專登到 Blue Lagoon藍潟湖溫泉,在室外溫度攝氏三度跳入有三十八度溫泉池水中,體驗冰火感覺。

著住泳衣落水的張可頤,全程素顏上鏡,雖然已經四十六歲,但皮膚白滑剔透,身形更沒有出現走樣情況,保養得相當好,比起十八年前參選港姐時的泳衣舊照,現下的她反而更勝從前,絕對純天然美魔女,唔使攞去驗!

張可頤原本想放更長的假期,但因為之後要返大陸宣傳新劇,所以她只可玩到十二月初,就要回港。

返到以前在英國讀中學的母校,張可頤坐在以前的書枱,回憶以前讀書的日子。

喺香港經常有行山的張可頤,去到冰島就挑戰行雪山。

張可頤專登買了部新相機去影北極光,這張相就是她的作品。

撰文、攝影、攝錄:娛樂組

鍾意就快D Share啦!