2015年10月4日 星期日

日本女生挺巨胸奔走Sell奶 被轟太意淫





其他影片:>>






「將你豐富的牛奶交給他們,為他們一直流動吧」嘩!搞乜呀,日本人啲廣告咁露骨嘅!仲搵個大胸女仔跑嚟跑去,賣咖啡廣告啫,唔使咁搏喎。

日本人就好鬼鐘意將啲嘢擬人化,方便搵啲靚仔靚女去角色扮演。而呢間牛奶咖啡公司,就將啲牛變晒做真人,全部以號碼代稱。其實就咁睇班「和牛」同普通學生無咩分別,一樣會返學讀書,同朋友一齊玩同食飯。

去到畢業禮「放榜」,有人喜歡有人愁。「成績」好嘅,就可以去農場、公園、動物園;鐘意打架就去做鬥牛勇士,最慘莫過於去扒房做盤中餐喇,你睇個個聽到都喊出嚟。又好似幾寫實咁喎,女主角都好感慨。

終於輪到女主角出場,佢有一個目標,需要先天本錢加後天努力先可以達成。之不過片中就Keep住focus佢個胸點樣跌蕩,真係令人好難理解呀!佢阿媽仲係咁鼓勵女主角挺起胸膛。最後女主角付出咁多「努力」,終於完成心願,變咗隻乳牛,原來係為咖啡供奶。

個廣告其實上年出咗街,日本人可能覺得無咩嘢,仲話係「超感動作品」;不過最近有人翻譯成英文傳到去外國,搞到個個都好嬲,因為一句「挺起胸膛」,再加埋呢句:「將你豐富的牛奶交給他們,為他們一直流動吧」。

日本人呢鋪嘅創意力量同幻想令好多外國人接受唔到,鬧廣告商唔尊重女性,視女性為家畜,引起網上熱烈討論。
鍾意就快D Share啦!
Related Posts Plugin for WordPress, Blogger...