掃呢頁CODE去手機

2015年11月5日 星期四

齊昕摑母內情曝光 [壹週刊 - 1339] 齊昕,梁齊昕,M1,



凌晨三時,龍蝦媽現身蘭桂坊搵女,齊昕激動爆粗,不肯就範離開。

探熱針

齊昕摑母內情曝光

今年 3月,梁振英承認女兒梁齊昕因為情緒病,需要靜養。被消失一段日子後,肥咗又靚咗的 CY女,看似重回正軌,但實質對相處時間較多的龍蝦媽,不滿有增無減,更不時 po文,例如上載詩人 R.M. Drake作品,影射龍蝦媽。

袋住個「計時炸彈」的梁齊昕,萬聖節前夕一連蒲兩晚,但上週六( 31/10)晨早又要交人出席禮賓府活動,夜晚扮喪屍喪遊老蘭時,俾夜店實 Q推撞的士司機拒載兼且俾人話肥,谷埋一肚火,見龍蝦媽漏夜殺到,梁齊昕借勢着燈,上演世紀摑母。

事發後,龍蝦媽聲稱女兒只是飲大咗,維護說:「齊昕係無辜嘅,更加唔關佢朋友事!」

一摑

成功推了女兒上車的龍蝦媽,被齊昕先狠摑一巴。

伸腳

龍蝦媽勸齊昕返屋企,結果再被連環伸腳,不願和她同車離開。

再摑

扮無事的龍蝦媽企圖坐上車,齊昕再送多一巴。

鋪文抒發不滿

自從梁齊昕在禮賓府露台「抽一口涼氣」上演一場大龍鳳後,三月「被消失」至五月才「獲釋」返港。回歸後,精神飽滿,輪廓精緻,同幾個月前判若兩人。但對父母,尤其「管家」的龍蝦媽,關係長期低水。

個多月前,齊昕在 ig鋪文,借詩人 R.M Drake的作品,宣洩自己對龍蝦媽的不滿。「 She was fierce, she was strong.She wasn't simple. She was crazy and sometimes she barely slept. She always had something to say. She had flaws, and that was OK. and when she was down, she got right back up. She was a beast in her own way, but one idea described her best. She was unstoppable and she took anything she wanted with a smile.(她兇狠,她堅強,她並不簡單,她瘋了,有時她幾乎睡着了,她總是有話要說。她有缺點,但沒關係,當她跌倒時,她馬上站起來,她是一頭野獸,也許這是對她最佳的形容。她銳不可擋,面上總帶着微笑。」

記者追問是否發福,齊昕好大反應,連環舉中指否認。

梁齊昕稱「悶蛋總是以『不成熟』來形容有趣的人」,怨氣十足。

個多月前,梁齊昕在 ig貼上詩人 R.M. Drake(右圖)的詩句,影射龍蝦媽。

玩盡放電

母女關係只有更差的梁齊昕,擺明車馬要借「哈囉喂」玩盡放電。上週五玩到凌晨,翌日一早出席禮賓府的活動,再緊接同 689伉儷去海洋公園出席活動,之後變妝扮喪屍殺落中環 Armani/Prive開 party。

好 hyper的齊昕全晚在場內滿場飛同朋友合照,甚至一度瞓在酒吧梳化上。逗留個多小時離開轉場,見到有途人扮叮噹,開心到撲上前影合照,之後截車遇着一架又一架「冚旗的」,仍然清醒的齊昕笑笑口問:「我可唔可以舉中指?」又同記者講解用咗個半小時,才完成喪屍妝。其後落到蘭桂坊 Bungalow繼續,原本有問必答的齊昕被問到是否肥咗?即時嚟料!「頂你吖嗱,肥你個×街!」跟住向記者舉起中指,無癮返入夜店。其間,她兩度走到外面接朋友,見閃光燈係咁閃,開始情緒波動:「影我朋友殺咗你哋!」

愈夜愈多人,多次出入的齊昕一度被夜店「實 Q」阻攔,躁爆「 Fuxx!」聲四起,更郁手狠推其中一人。

齊昕激動,連男性友人 Arthur Lam都㩒唔住,但最後由對方陪同上車返禮賓府。

在夜店忙住傳短訊的齊昕,一度以梳化當床。

齊昕懷疑朋友被攝入鏡,激動得上前搶記者攝影機。

轉場遇叮噹,齊昕 hyper𢱑合照。

龍蝦媽當災

去年底,龍蝦媽陪女兒到中環睇醫生,齊昕當時精神狀態好一般。

玩到凌晨三點,企唔穩的梁齊昕親自送友人離開,唔想朋友被攝入鏡頭,又失控!在街頭大叫:「唔好影我朋友」兼推撞記者,加上的士「冚旗」拒載,怒火爆錶的她,竟然在此刻遇上前來搵女的龍蝦媽,終於上演摑母兩巴的經典鏡頭。

事發後,梁齊昕 po圖暗認闖禍,之後電話長關,潛水無影。至於被「送兩巴掌」的龍蝦媽則維護女兒說:「佢嗰晚嘅行為係無意,絕對無意,我深信佢係無意冒犯任何人……齊昕係無辜,更加唔關佢朋友事。」

上次大鬧禮賓府,梁齊昕「被消失」兩個月,今次摑老母,隨時「加監」。

冇手軟

活躍社交網站,極受網友關注的 CY女梁齊昕,愛在網上爆家事,經常在言語間流露對母親的不滿和怨憤,出手炮轟,毫不手軟。

玩踢爆

去年在 fb上載疑似𠝹手照,並狠批母親唐青儀在公眾前與私底下很不同,之後梁振英向傳媒發放一家三口幸福合照,齊昕再自爆是被操控下到公園,配合梁振英「開心家庭」的公關伎倆,又指𠝹手事件,母親應負最大責任。

Facebook被刪

年初,齊昕稱父親多次叫佢刪除 fb,唔想佢咁癲,一個月後,齊昕疑似失蹤,更有傳 fb被人接管,指梁小姐會離開一段時間,無限期拒絕媒體訪問,其後被刪除 fb及 Instagram賬戶。

再踩阿媽

Po𠝹手照後一個月,齊昕再於 fb炮轟其母:「勇氣和忠誠是我最重視的美德,而我母展現的,卻剛是兩者相反。」

遭家暴想出走

今年三月,梁齊昕在 fb連發數文,指遭其母家暴,掌摑踢傷,又被辱罵,決定離家出走,並指其母心理有問題,嘗試勸她接受治療,直言若雙親在這一刻死亡,她絕不會關心,亦不會出席母親喪禮。

叫著龍蝦衫

萬聖節當天,齊昕上載一張父母在海洋公園出席哈囉喂活動照片,並留言取笑穿紅衫的母親:「叫咗阿媽著龍蝦衫, and keep the face just as it is。」

撰文、攝影、攝錄:娛樂組

鍾意就快D Share啦!