2015年11月26日 星期四

終於做郭太 郭可盈全家沖繩觀禮 熊黛林聖誕秘婚 [壹週刊 - 1342] __,郭可盈,熊黛林,M1,

娛頭 終於做郭太 郭可盈全家沖繩觀禮 熊黛林聖誕秘婚 13年主動放下「天王嫂」身份,去年搭上家族富貴的郭可盈胞弟郭可頌( Ken)的熊黛林,眼見七年「富黛戀」食白果,唔想夜長夢多,玩速食!第一時間融入男友家族,合力催婚。終於得償所願, 35歲熊黛林將於今年聖誕節在日本沖繩結婚,據知,再娶的郭可頌已跟準新娘有共識,婚事只 ...


娛頭

終於做郭太 郭可盈全家沖繩觀禮 熊黛林聖誕秘婚

13年主動放下「天王嫂」身份,去年搭上家族富貴的郭可盈胞弟郭可頌( Ken)的熊黛林,眼見七年「富黛戀」食白果,唔想夜長夢多,玩速食!第一時間融入男友家族,合力催婚。終於得償所願, 35歲熊黛林將於今年聖誕節在日本沖繩結婚,據知,再娶的郭可頌已跟準新娘有共識,婚事只請兩家至親到場觀禮。

做唔成郭富城太太,熊黛林做郭可頌老婆!

大把身家

三番四次逼婚,始終做唔成「城嫂」,惟有一刀切,同郭富城斬纜!

年屆三十五歲,回復單身的熊黛林唔再蹉跎!撞啱郭可頌同前妻 Ami離咗婚,同熊黛林分屬好友的郭可思(男友三家姐)出手撮合,撥行大葵扇製造見面機會;同住嘉亨灣的熊黛林、郭可頌,一個單身一個失婚,近水樓台,一拍即合。

三十七歲的郭可頌是郭家獨子,一一年郭父去世後,繼承了家族大部分資產,身家以億計;拍拖冇耐,希望早日嫁人上岸的熊黛林已將對方看作不二之選,所有郭氏的家族聚會,只要時間就到,她都盡量出席,同郭家上下打好關係,深得郭母歡心的她,更經常有意無意向未來奶奶及郭可思透露恨嫁。群眾力量下,熊黛林終於得償所願,獲男友答應結婚。

「 Lynn好識氹老人家,次次家庭聚會盡可能到,對未來奶奶又噓寒問暖,過時過節一定送禮,加上佢真係好鍾意小朋友,話明結婚後一定會生 B,郭家上下都好滿意呢個未來新抱。」知情者說。

雖然繼承父親大筆遺產,但郭可頌生活簡單,醫肚會去平民茶餐廳。

郭可頌做柴可夫,送女友到北角買生果。

將會帶埋囡囡飛到沖繩觀禮的林文龍、郭可盈,會在當地留多幾日。

加國求婚

今年八月,二人拍拖到加拿大旅行,其時,郭可頌早有準備,趁二人睇流星雨的浪漫氣氛下,向女友正式求婚,恨嫁的熊黛林一口答應。

打鐵趁熱,回港後,二人隨即着手籌備婚禮,並鐵定今年聖誕節到日本沖繩行禮。

本刊發現,日前 Lynn媽專程從南京來港,與「未來女婿」傾婚禮細節;一行人在屋企附近的餐廳食中菜,郭可頌全程同 Lynn媽有講有笑,氣氛融洽。食完飯, Lynn一手繑實媽咪,一手拖住男友返上樓。

一切從簡

雖然冇大排筵席,但熊黛林由酒店、機票,甚至教堂都一手包辦,親自策劃。據知,結婚之旅為期四日,屆時郭可盈、林文龍都會帶埋囡囡飛到沖繩觀禮。

「婚禮一切從簡,只會請兩邊屋企人,夾埋廿人左右, Ken(郭可頌)一來唔係第一次結婚,二來佢唔想咁高調,行完禮兩家人簡簡單單食餐飯,之後再留喺度玩多兩日;不過佢都好尊重 Lynn,婚禮所有細節都俾女友話晒事。」熊黛林身邊人透露。

在上海開工期間,熊黛林將狗狗送到寵物酒店寄住,落機當日,第一時間去接回寶貝狗的她,肉緊嘴嘴。

一家三口返回嘉亨灣寓所,郭可頌送埋女友上樓。

去年拍拖冇耐,熊黛林陪郭可頌到台灣享受情侶溫泉。

拍拖後,熊黛林火速融入郭家,冧掂「未來奶奶」及「未來姑奶」。

又攬又嘴

前陣子,熊黛林在上海開工時意外被對手打傷,要加快痊癒,男友就是抗生素。

日前,熊黛林由上海返港,出閘後,她與助手急急腳走到停車場,冇耐便見到專程來接女友機的郭可頌,揸住寶馬到。

做司機的郭可頌先送助手到北角電氣道, Lynn亦順便落車,到生果店買生果。返到嘉亨灣,上樓前,二人先在屋企附近茶餐廳撐腳枱,之後再到寵物店,接回離港期間寄養的北京狗,一見到寶貝狗狗,熊黛林抱住又攬又嘴,母性大發。

早前, Lynn媽亦專程從南京來港,與「未來女婿」傾婚事,順道過埋生日。

上海返港當日,準新娘向記者透露開工時被對手打到周身瘀傷。

今年八月,郭可頌與女友到加拿大睇流星雨,悉心安排浪漫求婚之旅,雖然戀情早已曝光,但二人依然小心,繼續前後腳。

沖繩行禮

海外結婚,日本沖繩也是熱門勝地,海邊白色小教堂行禮,不少新人浪漫於此。

劉威煌

11年,出身屋邨的「巨聲幫」劉威煌被揭搭上家底豐厚,於內地經營礦業的富家女,去年一月,二人低調於沖繩註冊結婚,七年愛情長跑,開花結果。

吳辰君

12年,台灣藝人吳辰君與前港澳辦主任廖暉之子廖懷南於沖繩的 Renaissance Hotel Okinawa舉行婚禮,好友林心如、蘇有朋及顏穎思等任伴娘伴郎,劉德華、許鞍華等亦透過錄像,遙距送上祝賀。

萬試萬靈

為盡早脫離「剩女」行列,不少女藝人都會向男方家長埋手,只要搞掂奶奶,上岸大計,事半功倍。

黎瑞恩

與金利來太子爺曾智明拍拖,歌手身份一直被未來奶奶嫌棄,為爭取老人家接受,黎瑞恩退出娛樂圈轉做保險, 02年舉行完告別演唱會後,便正式退出,做曾家新抱。

蒙嘉慧

從來不考慮成家立室的鄭伊健,對女友蒙嘉慧逼婚採取迴避態度,其後 YoYo轉行奶奶政策,經常陪鄭家兩老飲茶出外旅行,過時過節,買齊禮物事事做足,加晒孝順分,兩老自動幫口, 13年終於拉埋天窗。

陳茵媺

敬老一招,百發百中! 12年,仍未做豪嫂的陳茵媺趁唔使開工,專登殺落人頭湧湧的尖沙咀周大福,買了個足金鏈墜作為同豪媽拜年的禮物,翌年六月,成功做陳太。

撰文、攝影、攝錄:娛樂組

鍾意就快D Share啦!
Related Posts Plugin for WordPress, Blogger...