網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年11月11日 星期三

大師妹 臨老先入門  36歲廖碧兒做 Baby師妹 [FACE - 442] Baby,廖碧兒,Angelababy,MF,



帶住成抽粉紅氣球去戥胡杏兒開心,久違嘅廖碧兒一見記者同鏡頭似足素人一樣周身唔自在。

真面目

大師妹 臨老先入門  36歲廖碧兒做 Baby師妹

好閃吖,好曬吖!嗰頭大事慶祝開生日 P,呢頭就宣布求婚成功再發埋婚紗照,上個星期專心放閃嘅杏兒日日上頭版,其他姐仔搶鏡無望可以點?咪就係惟有專心戥人幸福囉!

上週五( 6日)帶埋未婚夫 Philip包場慶生,半個大台花旦贈慶,有現役有過氣,仲有好耐冇見嘅廖碧兒!離開大台四年,事業感情一概冇作為,原來唔聲唔聲簽咗 Baby經理人 Kim。 36歲先嚟做小師妹,年紀比大師姐大十年,事業何只爭十條街,難怪一切從簡,都係低調啲好。

人離巢佢離巢,杏兒一離巢嫁得出仲要做埋 3D數碼一姐,當年一樣係大台花旦嘅廖碧兒就爭好遠,離巢四年繼續 dry繼續霉,難得蒲頭賀杏兒,見到本地傳媒又極生疏,唔通唔想搶主人家鏡定冇乜近況要 update?又唔係喎!原來去年尾 Bernice靜靜雞轉經理人公司,微博聯絡工作方式又轉埋,不過從來冇公開宣布、冇乜幾何同經理人 Kim互動,連上月大師姐 Baby風光大嫁都唔見去飲,咁到底轉公司為乜?

私人微博一味都係飲飲食食 sell自家紅酒,反而簽咗新公司咁大件事, Bernice只係靜靜雞轉咗個人工作聯絡方式。

Kim旗下兩大頭馬係 AngelaBaby同熊黛林,最新仲簽埋樂基兒,個個有被安排上強國真人騷搶人氣,唯獨冇廖碧兒份。 網上圖片

11年離開大台,最後一套劇《凶城計中計》都做埋倉底,今年至推出做賣埠劇。 網上圖片

拍西片接美劇喎

四年來演藝作品買少見少,除咗行山飲食同北上剪彩賺騷錢,廖碧兒大部份時間攞嚟專心做品酒師同釀自家紅酒。不過被問到有冇興趣買酒莊,佢反而話未係時候:「買酒莊係我夢想,不過𠵱家都係專心演藝事業先!」

說好的演藝事業在哪裡,週一《 FACE》致電新經理人公司助手高小姐,得到嘅答覆原來係衝出香港喎:「 Bernice揀咗 Kim間公司,都係因為呢度多啲 fashion嘢同埋外國化啲! Bernice啱啱拍完套西片又主演完套新加坡電視劇,嚟緊我哋都 hold咗期,出年三月會去拍美劇……不過戲份同內容就未可以公佈住,其實佢好忙,不過喺香港少曝光啫!」所謂西片,其實就係由張雨綺主演,海報中十個有九個係普通話拼音嘅《蒸發太平洋》,咦……聞落有浸膠味嘅!

黐旺氣

樣樣冇着落嘅碧兒,拍埋去感情事業兩得意嘅胡杏兒頭,順手黐下啲旺氣可能幫補到。

孖發哥

放閃冇廖碧兒份,不過因為行山同發哥混熟幾乎個個星期孖住上山都好令人葡萄。 網上圖片

考完品酒師牌又創立自家紅酒品牌 Bellavizio,話專心演藝嘅 Bernice其實更多時間心機擺落紅酒事業。 網上圖片

網上圖片

雖然做咗 Baby師妹,不過一年來接落嘅工作就明顯同大師姐差大截,下月上映新戲《蒸發太平洋》(上圖)同新加坡電視劇《 Lion Moms》都膠味極重。 網上圖片

相比停滯不前嘅舊愛,陳豪同陳茵媺兩年抱三,火箭級進度一般人追唔到。

馬賽正式拜拜大台

又係戥人開心中堅份子,又係同人唔同命另一代表,有份賀杏兒嘅另一份久違面孔係馬賽(現改名司馬賽兒),又會咁啱又係快將離巢。據悉下月約滿大台,馬賽周圍放聲氣決定不續約,去邊?未有着落噃!

估你唔到陪住馬賽到場賀杏兒嘅男伴會係崔建邦,亦都估你唔到馬賽激凸起上嚟平凡中見不平凡。

昔日被大台力捧上女一,馬賽今時今日套《東坡家事》次次宣傳只淪為佈景版。

採訪、撰文:娛樂組

攝影:娛樂突發組

鍾意就快D Share啦!


Related Posts Plugin for WordPress, Blogger...