2015年11月7日 星期六

【半夜發婚紗照】胡杏兒深情剖白:謝謝你邀請我做你終身伴侶 杏兒,胡杏兒,





其他影片:>>






噚日係胡杏兒嘅36歲生日,杏兒未來老公Philip Lee(李乘德)噚晚為女友喺中環PMQ舉行生日派對,仲盛傳會即場求婚。

呢晚杏兒勁多老友都到場見證呢個歷史時刻,好似馬賽、崔建邦、林二汶、姚子羚、胡蓓蔚(豹嫂)、李雪瑩、趙希洛、徐子珊、莊思敏、莊思明、莊思華、黃君馨、李思捷等等等等。

雖然喺會場入面忙住招呼朋友,但杏兒半夜仲將自己同未來老公嘅婚紗照放上微博,佢同老公Philip情深對望,仲留言道:「謝謝你,謝謝你每一天也讓我的臉上充滿笑容,謝謝你在過馬路的時候永遠站在有車的那一邊,謝謝你在我不吹頭髮睡覺的時候你會一路罵我一邊幫我吹乾,謝謝你,讓我知道原來我也可以是一個小女人,也謝謝你邀請我做你的終身伴侶,讓我對未來充滿信心和希望,thank you and I love you」

杏兒喺派對場內亦有片段喺朋友圈流出,杏兒喺現場話:「thank you very much for being here share happiness with us」(多謝大家來到這裡分享我們的喜悅),片段中見杏兒好感動,身邊有兩位長輩應是雙方家人,亦表現得十分感動。

陳敏之於凌晨12點50分左右離開,佢接受訪問時話:「好開心,好感動,喊晒。」求婚浪唔浪漫?佢話:「好浪漫呀。」有咩承諾佢就話「你問返杏兒啦。」之後就話Philip現場冇跪,又話:「恭喜晒李生李太。」又表示佢哋冇公佈婚期,但應該都好快。

廖碧兒走時就話場內氣氛好開心,杏兒笑得好sweet,仲話感動到講唔到嘢,仲話成個求婚好有誠意,個蛋糕好貴。而林二汶就喺後樓梯陪一班賓客煲煙,不過其實嗰個位應該唔食得煙。

杏兒終於發婚照,恭喜晒。 (《Cosmo Bride時尚新娘》圖片) 杏兒微博圖片
(微信圖片) 右邊杏兒母親表現感動。 (微信圖片) (微信圖片)
(微信圖片) (微信圖片) 陳敏之證實今晚Philip真係向杏兒求婚啦! (DV圖片)
仲有呢批婚照,半夜就放上微博(《Cosmo Bride時尚新娘》圖片) (《Cosmo Bride時尚新娘》圖片) (《Cosmo Bride時尚新娘》圖片)
(《Cosmo Bride時尚新娘》圖片)
鍾意就快D Share啦!
Related Posts Plugin for WordPress, Blogger...