【短片】【有片】失婚關之琳連走兩場 借酒澆愁飲到醉
2015-11-07 08:26:00
53歲關之琳前日喺台灣出席活動時，突然自爆同台灣富商陳泰銘「不是分手，是離婚！」事情震撼全城。兩人結束8年戀情，據知佢哋離咗婚半年，從冇承認過結婚嘅之之仲話已經放低咗，隨時接受新戀情，佢又主動提起上月陳泰銘同劉嘉玲行山，仲話佢哋冇諗過其他人感受。
一向低調嘅之之，活動上強顏歡笑，一派瀟灑，不過，噚晚之之喺台灣錄完節目後，就去咗夜店參加派對，玩咗一個鐘頭，再轉場同友人密會差唔多四粒鐘。佢入場時仲大方同傳媒揮手，不過離開時竟施調虎離山計，原因係乜？原來之之飲到醉醺醺行出嚟，為咗唔想俾記者影到，於是就兜路走。當記者埋去影相時，明顯有醉意嘅之之死撐鎮定。
台灣有消息指，之之強調「已經放低咗」，但其實係借一連串動作嚟激陳泰銘。對於之之所講「沒拿半毛贍養費」，有聲稱接近陳泰銘嘅商界朋友就話：「陳泰銘不可能虧待自己人。」
台灣《蘋果日報》
飲到腳部浮浮嘅關之琳死撐冇事。
關之琳露出尷尬笑容。台灣《蘋果日報》
關之琳前日話陳泰銘同劉嘉玲行山，係冇諗過其他人感受。
|
鍾意就快D Share啦！
|
|
|
