2015年11月7日 星期六

【FACE即時】生日訂婚派對後公開婚紗照 杏兒:謝謝你在過馬路的時候永遠站在有車的那一邊 杏兒,胡杏兒,MF,





其他影片:>>






(影片更新) http://facemag.hk/ustar2015 $65 睇11月10日FACE UStar九展騷,inbox FACE UStar /face magazine fb fanpage訂票!

之前有報導話胡杏兒甘願為咗未來老公Philip Lee,婚禮由英國變沙頭角都唔介意。噚晚杏兒36歲生日,男友Philip就喺中環PMQ為佢搞生日派對,仲有指會喺派對入面訂婚,畀杏兒一個難忘嘅生日。

約晚上約8時10分,杏兒穿上白色西裝外套Deep V現身,不過未有受訪就入場,而梳咗個蛋撻頭、着住西裝嘅Philip亦一早到場打點同招呼賓客。杏兒一班好朋友馬賽、崔建邦、姚子羚、胡蓓蔚、徐子珊、莊思敏等都有出席。當鍾嘉欣到場時,面對記者種種提問都唔答,不過問佢今晚呢個係生日P定係訂婚派對時,佢就話:「呢個係生日party。」

而在派對入面,杏兒同Philip就忙住招呼賓客兼影相留念。其中杏兒best friend嘉欣BB仲同Philip不斷咬耳仔,最後二人仲嚟一個擁抱,似係祝福Philip。到大約10點半,杏兒同鍾嘉欣一齊出嚟俾傳媒影相,見杏兒左手無名指戴咗巨型方形鑽戒,右手食指都戴住隻藍寶,流露出幸福嘅喜悅,之後佢仲不斷講「多謝大家」。至於係咪今晚訂婚同要改口叫佢做李太等問題,杏兒都笑而不答。

不過謎底終於解開,杏兒凌晨將自己同未來老公嘅婚紗照放上微博,相中二人情深對望,仲留言話:「謝謝你,謝謝你每一天也讓我的臉上充滿笑容,謝謝你在過馬路的時候永遠站在有車的那一邊,謝謝你在我不吹頭髮睡覺的時候你會一路罵我一邊幫我吹乾,謝謝你,讓我知道原來我也可以是一個小女人,也謝謝你邀請我做你的終身伴侶,讓我對未來充滿信心和希望,thank you and I love you」

sweet到爆!

下載Android或iPhone版【FACE Pop】App: http://bit.ly/facepopdl

FACE Pop官網:http://facepop.hk

恭喜杏兒榮升李太! 杏兒best friend嘉欣BB同Philip擁抱就知啦。(DV圖片) Philip同嘉欣BB喺場內咬耳仔,唔知嘉欣BB係咪叫對方好好愛錫杏兒呢?(DV圖片)
隻鑽石戒指好好好閃呀! 杏兒凌晨喺微博放上結婚相。(網上圖片) FACE 1月獨家拍得杏兒和男友約會,戀情才見光!
鍾意就快D Share啦!