2015年11月7日 星期六

【同關之琳老公行山】劉嘉玲懶理第三者傳言: 生活並不完美 劉嘉玲,關之琳,嘉玲,



【同關之琳老公行山】劉嘉玲懶理第三者傳言: 生活並不完美

2015-11-07 19:49:00



日前53歲嘅關之琳喺台灣自家品牌發佈會上,自爆同台灣富商陳泰銘「不是分手,是離婚!」一事震撼全城。據知佢哋已經分咗居半年,幾個月前離婚,兩人8年情突然結束,原因是二人性格不合,之之獨立,喜歡工作,而男方只想之之留喺屋企做賢內助,再加上兩個嘅婚姻關係,因為男方要顧及前妻同兩個女嘅感受,一直唔可以公開,之之亦難忍做「秘密人妻」。

今日有報道指之之原定今年4月喺法國舉行豪華婚禮,陳泰銘安排私人飛機接載親友出席,打算正式畀之之一個陳太名份,點知陳泰銘一對孖女26歲嘅陳少喬同陳少曼強烈反對。報道又指陳泰銘最後將婚禮延期,希望之之同孖女可以互相溝通,可惜事與願違,仲令陳泰銘慘成「磨心」。

之之宣佈離婚消息時,主動提到劉嘉玲同前夫陳泰銘行山一事,指佢哋冇想過別人嘅感受,令嘉玲無辜辜蒙上第三者嘅嫌疑。雖然係咁,但係嘉玲都懶理,今日凌晨喺微博貼咗張面露微笑嘅近照,留言話:「生活並不完美,但依然快樂!」相信嘉玲當時係喺蘇梅島出席保良局主席朱李月華兒子、亦即係FRANCK MULLER亞太區副主席朱俊浩同「兒童合唱團」之父葉惠康孫女羅之琦嘅婚禮。婚禮賓客除咗劉嘉玲,仲有向華強夫婦同阿仔向佐、那英、張智霖夫婦等,一對新人下星期日會喺會展擺150圍,大宴親朋。



嘉玲今日凌晨貼咗面露微笑相。(劉嘉玲微博圖片)

鍾意就快D Share啦!
Related Posts Plugin for WordPress, Blogger...