網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2015年11月11日 星期三

恐怖熱線 老公養動物嬰屍放睡房 林雅詩:鬼仔搞埋我阿媽 [FACE - 442] 林雅詩,MF,



與老公溫文英結婚 10年,近年因為老公在家儲佛牌兼拜邪嘢,林雅詩話:「搞到頭家幾乎散。」網上圖片

真面目

恐怖熱線 老公養動物嬰屍放睡房 林雅詩:鬼仔搞埋我阿媽

為求順風順水,唔少人都會拜神拜佛希望得到保佑,不過拜佛搞到家都散埋又確係奇!

久休復出的林雅詩,自復出後新聞不斷,不過大多都係講夫妻關係面臨離婚,又離奇被玻璃𠝹傷手。日前林雅詩上鬼王潘紹聰的電台節目時就大爆老公在家「養鬼仔」,不但有大量泰國佛牌,更有動物屍體,「類似有啲乾屍,入面有啲油,好古靈精怪。上面嗰層全屋(睡房)都係,起碼數到 15、 6隻」。滿屋神怪,林雅詩仲話鬼仔搞埋佢阿媽,難怪佢情緒不穩

37歲林雅詩近月復出新聞不斷, 5年無性生活、嗌離婚、𠝹手等,全部負面消息。

全屋都係鬼

上週四( 5日)林雅詩上鬼王潘紹聰的電台節目《恐怖在線》時透露,老公溫文英在家拜到一屋都係鬼。

「成日感覺屋企好有壓迫感,成日好唔開心,想喊,同埋嚴重到有想過死。不論沖涼,去洗手間,喺房或者梳化,都會俾鬼𥄫,感覺周圍環境好多人望住自己。」曾經林媽媽去完林雅詩屋企,因為講過一句:「拎開啲牌,俾小朋友掂到唔好」之後,翌晚即俾鬼壓,更遇惡靈現身,林雅詩對本刊說:「鬼仔搞埋我阿媽呀!」

去年林雅詩終於忍唔住搵師傅睇過家中發生乜事,驚覺原來溫文英收藏的佛像、佛牌,統統都係鬼。「師傅嚟到我屋企,見到上面嗰層(睡房層)全屋都係,起碼數到 15、 6隻。」

去年林雅詩曾在微博講過友人老公因儲佛牌而性情大變,據知友人就係佢自己。

網上圖片

上週四( 5日),林雅詩上潘紹聰《恐怖在線》時透露老公溫文英在家養鬼仔。網上圖片

「佢越拜我哋關係越差」

林雅詩去年曾清理家中所有佛像,但事隔幾個月,老公溫文英重新買過。一屋都係鬼,令林雅詩 9歲的囝囝不時半夜驚醒,喊住話好驚。「全部嘢都係我先生擺,唔知點解佢咁着迷泰國佛牌,咩種類都有。」除了佛牌外,甚至連動物乾屍都有收藏。週一( 9日)林雅詩更在電話中稱,「類似有啲乾屍,我睇唔到係乜,不過有爪㗎,入面有啲油,好古靈精怪。」

據知溫文英很緊張自己的收藏,林雅詩續說:「講親呢啲嘢,佢會好兇咁望住我,發我爛渣,發我脾氣。」林雅詩更認為,家中的神佛令她情緒不穩,曾向教會求助,「高皓正、鄧萃雯會同我講吓道理,聽吓聖經。」得到心靈安慰,卻等不到家庭幸福,林雅詩都要諗吓計

面臨婚姻危機,林雅詩出寫真復出靠自己。

98年和古天樂拍過《邪教檔案之末日風暴》,林雅詩話:「嗰啲好濕碎。」 YouTube畫面

家住西貢獨立屋,據知上層睡房擺滿佛牌和神像。《蘋果日報》圖片

情緒受影響

撞穿頭

林雅詩經常呢度損嗰度傷,「喺屋企感覺好不安。」 網上圖片

𠝹傷手

堅稱唔係自殘,但林雅詩確係周身傷。 網上圖片

靠聖經

家中滿天神佛,林雅詩跟高皓正返教會聽講道,希望有幫助。網上圖片

咩都拜吓

劉德華 拜蛇神

有指由 02年開始,朱麗倩為幫劉家留後,已在老家馬來西亞拜蛇神求子,更有廟祝見過劉德華和朱麗倩一齊拜神添香油,雖然朱麗倩最後生咗囡囡劉向蕙,總算為劉家留後

圖片

楊千嬅 種生機

00年楊千嬅被指搵高人種生機借運,果然由 00年開始事業即一帆風順,而 10年離開黎明的 A Music後,又有傳千嬅再種生機為續借 3年大運。

《蘋果日報》圖片

吳君如 燒香塔

13年爆陳可辛搭上小三田樸珺,隨後吳君如即到泰國燒香塔保婚姻,事後陳可辛亦在訪問中斷然斬纜:「如果一定要說閨蜜,我只有一個,就是君如。」

採訪、撰文:娛樂組

鍾意就快D Share啦!


Related Posts Plugin for WordPress, Blogger...