網頁

請重新LIKE FACEBOOK“新專頁”THANKS!
鍾意我? D 熱爆文章嗎?
即刻“讚”接收更多熱爆?!
唔要再顯示

2016年2月25日 星期四

無綫慳 4千 OT錢 王浩信瀨嘢 [壹週刊 - 1355] __,王浩信,無綫,M1,

等車時,戴住口罩的王浩信難掩疲態。探熱針無綫慳4千OT錢 王浩信瀨嘢亞視玩完,其他免費電視台未有大動作,無綫更獨大;高清翡翠台變J5,全台字幕簡體字,睇到火都嚟!作為生財工具的劇集,製作更因慳住使,幾乎搞出人命!週日(二月二十一日),王浩信在屯門為新劇《致命復活》拍飛車場面,劇組有安排替身,但行規一組九小時,拍唔完要加四千OT錢俾替身,無綫唔肯,王浩信頂硬上!最終炒車爆缸被送入屯門醫院,嚇到王浩信 ...


等車時,戴住口罩的王浩信難掩疲態。

探熱針

無綫慳 4千 OT錢 王浩信瀨嘢

亞視玩完,其他免費電視台未有大動作,無綫更獨大;高清翡翠台變 J5,全台字幕簡體字,睇到火都嚟!作為生財工具的劇集,製作更因慳住使,幾乎搞出人命!

週日(二月二十一日),王浩信在屯門為新劇《致命復活》拍飛車場面,劇組有安排替身,但行規一組九小時,拍唔完要加四千 OT錢俾替身,無綫唔肯,王浩信頂硬上!最終炒車爆缸被送入屯門醫院,嚇到王浩信老婆(陳自瑤)拖埋個女去醫院搵老公,在觀察病房驚足五個鐘。

淡化傷勢保同事

週一(二月二十二日),王浩信在微博公告天下,指昨天拍外景遇意外,並留言:「失了點記憶……不幸中大幸,頭及臉上只是皮外傷,沒傷到腦部及骨……手指需要縫針……」實質是額角和手指全數爆缸,單是額角,傷口已長達三吋。

當事人刻意淡化傷勢,無非是不想幕後人員為事件孭鑊。

據了解,當日劇組清晨六時已在屯門區 ready拍飛車場面,劇情講王浩信在車上與人爭執後,被推出車外拖行;由於動作有危險,劇組一早預備了替身,但拍極效果也未如理想,到替身下午三點夠鐘收工都未完成,公司睇數做人,為怕超支惹高層詐型,工作人員於是同王浩信商量,是否可親身上陣,順得人的王浩信一口答應,最終釀成意外。

「一個替身要八千,額外 OT一個鐘八百,嗰日 Vincent(王浩信)未拍完嘅場口,至少要五個鐘先拍得晒,淨係替身使過萬,加埋其他條數好襟計。上面(高層)實詐型,所以導演拍膊頭叫番個演員自己做呢種情況經常都有;嗰場戲如果係個有拍飛車戲經驗嘅演員做,問題都唔大,但 Vincent冇乜呢類演出經驗,即使本身反應夠快,都係出事。」一名無綫場務透露。

臨上車前, YoYo為王浩信拉好頸巾,慎防冷親。

意外發生當日,王浩信正與男主角郭晉安拍對手戲。



王浩信自爆拍劇意外受傷送院,但刻意淡化傷勢。

一家到齊等報告

週日(二十一日)意外發生後下午五時,王浩信由白車送入屯門醫院,未幾,老婆陳自瑤拖住囡囡趕到醫院。醫生為王浩信的額頭及手指傷口縫針,但由於傷者出現短暫失憶,安全起見,要照超聲波和一堆測試,之後醫院安排他在觀察病房留醫,等候報告。

王浩信的父母及胞弟隨後相繼趕到醫院,一家人在觀察病房等到晚上十點幾,報告確認無大礙,王父及胞弟先帶走三歲的王靖喬,不夠半小時,戴住口罩的 YoYo同奶奶傍實王浩信,慢慢行到醫院門外等車走。

事發後王浩信透過 WhatsApp回應說:「沒有選擇留院,今天在家中休養,希望盡快康復」

女細老婆嫩,王浩信呢鋪大步𨂾過,險過剃頭。

在《致》劇只是做配角,但王浩信有大量危險演出,包括親自上陣,危站天台。

YoYo抱住 3歲女趕到屯門醫院搵老公。

胞弟及父親先行帶王浩信囡囡離開醫院。

搵命搏

無綫慳錢,為減低製作成本和貪方便,不時罔顧藝人性命安危搏大霧,劣劣劣!

攞命崖攀石

去年洪永城拍攝《實習天使》,無綫為慳錢貪方便,不理康文署「請勿攀爬」告示牌,要他在七年前曾跌死人的崖上攀石,外景隊只出動一部攝影機,卻要多角度拍攝,洪永城因此要在石崖爬上爬落無數次。

唔俾戴頭盔

《實習天使》女主角岑麗香在赤柱碼頭拍攝飛車鏡頭,擔心自身安全的香香提出戴頭盔上陣,但遭導演拒絕,但香香企硬,最後由替身上陣,香香只負責補拍一個飛完落地的近鏡 shot。

做埋司機

12年,無綫為慳錢安排有份演出《駕到沖繩》的陳美詩做司機扮自駕遊,仲要同男工作人員同房,結果,揸車技術一般的陳美詩發生意外,連人帶車跌落山崖,導致頸椎移位,無綫仍置之不理,直至男友孫耀威公開指責,才肯派人接機跟進。

冇替身

02年,楊思琦在北京拍攝《血薦軒轅》騎馬場面時不慎墮馬,以致尾龍骨破裂,自此,監製戚其義才肯安排替身代勞。

撰文、攝影、攝錄:娛樂組


鍾意就快D Share啦!


Related Posts Plugin for WordPress, Blogger...