江若琳跑狗情人節 [壹週刊 - 1355] __,江若琳,M1,

自己又好，人哋嘅又好，江若琳同啲狗狗一齊跑，玩到拉低口罩。同你吟一吟江若琳跑狗情人節過去一年半，俾經理人公司寰宇告違約嘅江若琳，要為過百萬官司費狂接戲接job，跑到氣咳，只為用上十年時間，到頭來仍欠公司200萬而決定反撲，28歲女，都真係幾硬淨！要密做換自由，江若琳自言已經冇晒時間去搵個Mr.Right，拍拖變成奢侈，情人節，亦只係同心愛狗狗過。二月十四日，江若琳帶住兩隻寶貝狗，走咗去數碼港出面片 ...

自己又好，人哋嘅又好，江若琳同啲狗狗一齊跑，玩到拉低口罩。

同你吟一吟

江若琳跑狗情人節

過去一年半，俾經理人公司寰宇告違約嘅江若琳，要為過百萬官司費狂接戲接 job，跑到氣咳，只為用上十年時間，到頭來仍欠公司 200萬而決定反撲， 28歲女，都真係幾硬淨！

要密做換自由，江若琳自言已經冇晒時間去搵個 Mr.Right，拍拖變成奢侈，情人節，亦只係同心愛狗狗過。

二月十四日，江若琳帶住兩隻寶貝狗，走咗去數碼港出面片大草地玩，人狗一齊跑，又影相拍片，放電一個鐘。

人同人相處，複雜艱深，對貓貓狗狗，只要一點點愛心，回報無限，簡單得多！

同狗狗玩拋波仔，點知狗狗要大唔要細，走去追個小朋友嘅大波波，小朋友見到呆咗，江若琳追上前，捉番自己隻狗。

帶住兩隻松鼠狗狗去公園玩，江若琳同其他狗友打成一片。

同行女子負責揸機影相拍片，人狗玩足一個鐘。

撰文：八珍

來源 source: http://hk.next.nextmedia.com

鍾意就快D Share啦！

下一篇 》