掃呢頁CODE去手機

2016年3月24日 星期四

被乾腌一年 許廷鏗擦鞋求和 [壹週刊 - 1359] __,廷鏗,許廷鏗,M1,

娛樂偵訊被乾腌一年 許廷鏗擦鞋求和27歲巨聲幫出身的許廷鏗,入行至今已出過六張唱片又開過個人音樂會,前途原本一片光明,但因曾有離心而激嬲老闆何哲圖,將公司資源轉移到同門的鄭俊弘及胡鴻鈞身上。以卵擊石冇好結果,許廷鏗只好屈服,擦住老細鞋搏解凍!走漏風聲被指貌似吳尊的許廷鏗,○九年參加《超級巨聲》後被無綫力捧,風頭一時無兩。一一年,簽約星煥國際,許廷鏗離巨聲幫作獨立發展,不足幾個月,已成功吸納大量fa ...


娛樂偵訊

被乾腌一年 許廷鏗擦鞋求和

27歲巨聲幫出身的許廷鏗,入行至今已出過六張唱片又開過個人音樂會,前途原本一片光明,但因曾有離心而激嬲老闆何哲圖,將公司資源轉移到同門的鄭俊弘及胡鴻鈞身上。

以卵擊石冇好結果,許廷鏗只好屈服,擦住老細鞋搏解凍!

走漏風聲

被指貌似吳尊的許廷鏗,○九年參加《超級巨聲》後被無綫力捧,風頭一時無兩。

一一年,簽約星煥國際,許廷鏗離巨聲幫作獨立發展,不足幾個月,已成功吸納大量 fans,推出兩張唱片均達到金唱片銷量,同年橫掃樂壇四大頒獎禮的他,行內睇好,可以接棒上位做一線歌手。

大把人吼!有意招攬的包括 Paco黃柏高,一四年滿約星煥的許廷鏗,一度考慮合約期滿後轉會到太陽娛樂,點知跳槽風聲走漏,激嬲老細 Herman何哲圖,就算最終他決定留低,一樣無補於事,照雪!

「當時 Alfred(許廷鏗)聲勢本來好好,好多公司都想挖佢走,但弊在佢太高調,大家以為佢一定會去太陽娛樂;佢的確係諗過去跟 Paco,但知道許志安同劉浩龍都會離開東亞唱片過太陽娛樂, Alfred又覺得內部競爭好大,所以最後選擇續約星煥。但 Herman一早收到風 Alfred想走,認為佢養唔熟,所以照放佢入雪櫃,但唔係一般雪法,照同佢出唱片,但唔會谷宣傳,又唔安排搵錢 job俾佢,聽落其實有啲笨,損人不利己,但老細話事,大家冇 say!」知情者說。

搏 friend

在舊錄音室錄最後一首歌, Alfred邀請老闆探班,擺明搏 friend。

擦老闆名鞋

放假遊倫敦, Alfred見到老闆 Herman同名的餐廳,即自拍兼 po上網,明擦老闆鞋。

兩餐和頭飯

放假後回港, Alfred於同一星期內請老闆食兩次飯,擺明求和。

判若兩人

何哲圖腌乾許廷鏗,並將公司資源轉投鄭俊弘及胡鴻鈞身上。

「舊年 Alfred真係冇乜嘢做,好似冇咗目標咁!反正得閒,所以佢同屋企人飛咗幾個星期,去睇北極光,散心兼重新整理吓自己。」

幾經考慮,歐遊回來的許廷鏗決定求和。

「去到歐洲, Alfred見到間鋪頭叫 Herman竟然影相 po上網,之後返到香港見到老闆好似變咗另一個人咁,仲一個禮拜內兩次請老闆食飯。不過咁做都啱嘅,起碼俾老闆感覺到佢知錯,先有機會解凍。」知情者說。

欣宜曾經被 Herman雪藏,她以過來人的身份勸喻好友不要步她後塵, Alfred想過度過,最終屈服求解凍。

一直計劃與家人睇北極光的 Alfred,於年初達成夢想。

做咗凍肉唔怕凍的 Alfred,睇北極光時去埋冰洞參觀。

Alfred除了去睇北極光外,還在歐洲玩了兩星期,四處遊覽之餘更瘋狂掃貨,荷包大出血。

Herman扔 Alfred入雪櫃,令到好聽話的鄭俊弘及胡鴻鈞成得益者,代替 Alfred受到公司重用。

觀眾緣甚好的 Alfred,就算被雪藏,在 TVB的頒獎禮上仍得到多個獎項,成績不俗。

撰文、攝影、攝錄:娛樂組


鍾意就快D Share啦!