| 張家瑩心痛亞姐形象被貶低！ | next 1/1 pre |
 | |
| 張家瑩強調當年贏番嚟嘅后冠值三百幾萬！ | next 1/1 pre |
 | |
| 依家升值咗一倍！ | next 1/1 pre |
 | |
| 張家瑩話個后冠，淨係戴過4次架咋。 | next 1/1 pre |
 | |
| 張家瑩對個后冠珍而重之！ | next 1/1 pre |
 | |
| 出幾多錢都唔會賣呀。 | next 1/1 pre |
 | |
| 仲話傳畀囡囡添。 | next 1/1 pre |
 | |
| 一代傳一代！ | next 1/1 pre |
 | |
| 錫錫后冠。 | next 1/1 pre |
 | |
| 真係去咗銀行拎架！ | next 1/1 pre |
 | |
| 張家瑩嘅亞姐后冠由25.299粉紅鑽和12.790白鑽鑲嵌而成。 | next 1/1 pre |
經營半世紀的亞視，將於四月一號壽終正寢，不過，未出齊糧給亞視員工的新投資者司榮彬早前卻表示，望在三月底舉辦「末代亞姐」作紀念。事實上，亞視命運可謂四面楚歌，新借貸和發展建議未得到有關當局批准，員工冇糧出、欠資金、面臨清盤等大堆問題要解決，還高調欲辦「末代亞姐」，無疑令一眾員工為之憤怒。同時更有消息傳出亞視最有價值節目《亞洲小姐》中的后冠，僅只值數十元，令一眾亞姐形象無辜被貶低。
當中2007年亞姐冠軍張家瑩最為之心痛，除否認后冠只值數十元外，還強調當年所贏得的后冠屬三百多萬。據知她找專人鑑證過這三百萬后冠後，發現升值一倍，總算為亞姐之名挽回一點面子。
后冠價值急降
當選亞姐至今有九年的張家瑩，原有機會看到新一屆亞姐誔生，對被王征和司榮彬拖垮大感無奈。對於有傳亞姐后冠只值幾十元的新聞，更為之錯愕。傳聞雖得亞視發言人黃守東證實，絕對需要四位數，但后冠價錢與她當日所贏得的三百多萬元有一大段距離。家瑩亦曾向舉辦多年亞姐並有「亞姐之父」之稱的葉家寶了解，原來亞姐后冠由第一屆黎燕珊起，都有珠寶店贊助，每個有名次的后冠都價值連城，後期因失去贊助，才由亞視私下打造，所以價值急跌至幾千元。
爭係戴過四次
家瑩就與媽媽齊齊去銀行保險箱，取出三百多萬亞姐后冠受訪，誓要一洗污名。這個由25.299粉紅鑽和12.790白鑽鑲嵌而成的18K白金后冠，家瑩稱當選至今只戴過四次：「我當選嗰晚戴過後，爸爸幫我搞過一次當選Party、2014年《亞姐》25周年同今次訪問，我總共戴咗四次。我好珍而重之㗎，平日都係擺喺銀行保險箱度。（鑑証過其價值？）梗係有啦，仲升咗一倍添！絕對唔係傳聞得幾十蚊，就算話幾千蚊，都係因為冇贊助商啫。而我呢個當年係有贊助，絕冇花假。不過我覺得呢個后冠嘅榮譽遠大過其價值，所以就算有人出雙倍價錢，我都唔會賣！我已經當佢係家傳之寶，好似嫁妝咁，再傳畀我將來個女，等我個女一代傳一代！」
至於亞視曾稱最後一夜辦亞姐選舉一事，《東網》向亞視了解，發言人黃守東稱：「有關公司發展事務，可向臨時清盤人查詢！」而亞視臨時清盤人公司則向《東網》表示：「暫冇回應。」
|
鍾意就快D Share啦！
|
|
|
