2016年3月24日 星期四

石修仔曉轉彎 [壹週刊 - 1359] __,石修仔,石修,陳宇琛,M1,

同貌似超雲嘅空姐女友十指緊扣,石仔老豆石修仲公開讚過未來新抱有教養。同你吟一吟石修仔曉轉彎由8歲做童星開始,已經60有7嘅石修,由無綫到港視再撈埋有線,子承父業,不過石仔陳宇琛瓣數比老豆廣好多。14年離開踎咗十年嘅大台,不過石仔早於08年已經自創品牌設計bikerjewellery,舊年再同朋友拍檔開埋製作公司搞網劇,有乜做乜。事業搵到路行,感情方面,37歲石仔亦步入穩定期。有日《壹》仔响跑馬地見 ...


同貌似超雲嘅空姐女友十指緊扣,石仔老豆石修仲公開讚過未來新抱有教養。

同你吟一吟

石修仔曉轉彎

由 8歲做童星開始,已經 60有 7嘅石修,由無綫到港視再撈埋有線,子承父業,不過石仔陳宇琛瓣數比老豆廣好多。

14年離開踎咗十年嘅大台,不過石仔早於 08年已經自創品牌設計 biker jewellery,舊年再同朋友拍檔開埋製作公司搞網劇,有乜做乜。

事業搵到路行,感情方面, 37歲石仔亦步入穩定期。有日《壹》仔响跑馬地見佢拖住拍拖超過年半空姐女友 Camille,去完滙豐再去 Citibank,搞完啲銀行嘢,就入去祥興食菠蘿油三點三。

星二代,冇幾個謝霆鋒,陳宇琛腳踏實地又識轉膊,算係咁

瓣數多嘅石仔,連處理財務都要去勻兩間銀行。

去茶餐廳下午茶,石仔女友 Camille食相十分斯文。

集演員、首飾設計師、製作公司老闆於一身嘅石仔,演藝事業成績不及老豆,不過勝在識轉膊,唔會獨沽一味。

撰文:八珍


鍾意就快D Share啦!
Related Posts Plugin for WordPress, Blogger...