掃呢頁CODE去手機

2016年4月25日 星期一

騷前飲黃酒煮雞 關淑怡醉仆台上 __,關淑怡,

騷前飲黃酒煮雞 關淑怡醉仆台上現年49歲的人母關淑怡(Shirley),前晚假紅館舉行入行25周年個唱波折重重,開場前因飲了大煲黃酒煮雞,搞到唞不到氣幾乎叫救護車,憶起亡母不能再看她的演唱會,在台上激動爆喊,安哥時着5吋高踭鞋登場,又不慎當眾仆低慘變撻生魚,Shirley踢掉高踭鞋赤腳演唱,要勞煩嘉賓譚詠麟(阿倫)幫她挽鞋打氣。九十年代憑《難得有情人》唱紅的關淑怡,前晚假紅館舉行「TheBesto ...


騷前飲黃酒煮雞 關淑怡醉仆台上

現年49歲的人母關淑怡(Shirley),前晚假紅館舉行入行25周年個唱波折重重,開場前因飲了大煲黃酒煮雞,搞到唞不到氣幾乎叫救護車,憶起亡母不能再看她的演唱會,在台上激動爆喊,安哥時着5吋高踭鞋登場,又不慎當眾仆低慘變撻生魚,Shirley踢掉高踭鞋赤腳演唱,要勞煩嘉賓譚詠麟(阿倫)幫她挽鞋打氣。

九十年代憑《難得有情人》唱紅的關淑怡,前晚假紅館舉行「The Best of Shirley Kwan 25演唱會」,卻遲了41分鐘開騷被噓。昨日工作人員解釋Shirley因食了黃酒煮雞「出事」:「佢飲晒湯,因為平時少飲酒,飲完後喺酒店房唞唔到氣,差啲叫十字車,5點幾去到紅館頂住綵排,要幫佢扣喉嘔番出嚟先好啲。」怎知Shirley在台上不慎仆倒,導致腰和腳都受傷。



■關淑怡(左)前晚在紅館開騷,嘉賓周慧敏直言當DJ時已經好欣賞她。

執生瞓地擺甫士事緣當時Shirley腳踏5吋高踭鞋邊唱邊與觀眾握手,竟不慎跣倒打側跌在台邊,慘變撻生魚的她大叫:「哎呀!」幸臨危不亂瞓地執生擺甫士,更踢走高踭鞋說:「I don't need shoes.」嘉賓譚詠麟挽鞋登場,並對她說:「着番對鞋先啦,我知道聽日C1頭條就係阿倫同你挽鞋。大家見佢今日狀態,佢係唔應該開埠以嚟第一晚就係最後一晚,今日冇嚟睇嘅係笨……唔講得。」Shirley感動到想喊,阿倫續說:「聽聞你唱完之後移民,都唔知你點解咁諗,係咪dry呀?好心你啦,識多個啦,唔同宗教都得箒,唔使踩住波車嚟(因傳聞Shirley兒子的爸爸是寧波車)。」Shirley說:「唔係呢。」阿倫再攞經手人是曾志偉的傳聞笑說:「哎,咁我信志偉啦,佢成日都話佢嘅。睇佢DNA都唔係,我覺得應該係似我囉,哈!」全場爆笑。

Shirley還請了吳業坤和周慧敏做嘉賓,她唱到《人生可有知己》時哭了,周慧敏出場說:「你搞到我都想喊。」之後Shirley在台上憶亡母又爆喊:「希望呢個25周年送畀我媽咪,以前佢每次都嚟睇我,以後冇咁嘅機會。當我面對死亡咁近嘅時候,我諗起媽咪同我講『淑怡,你嘅talent係我畀你嘅gift,我唔希望你浪費。』令我面對不利新聞時都可以撐得過。」



■Shirley穿5吋高踭鞋出場,之後走到台邊與觀眾握手。



■Shirley撻低後,即執生擺甫士。



■赤腳唱歌的Shirley,要阿倫挽鞋上台。

鄭融否認被揸胸台上Shirley與舞蹈員跳貼身舞,換衫時有赤膊外籍男舞蹈員請鄭融上台跳辣身舞,鄭融擘髀騎在他的大腿上,男舞蹈員在上面狂un,之後抱起鄭融轉圈時,左手疑似揸落鄭融的右胸。

完騷後Shirley受訪提起亡母說:「父母之恩冇辦法報答,媽咪成日話『人生不嬲都係甘苦,甜酸苦辣乜都有,唔好放棄好好珍惜。』無論遇到乜嘢事,香港人都要keep going。」問是否暫別樂壇?她說:「Maybe,maybe not,不過唱歌真係抒發咗好多,總之觀眾開心就得,你哋成日覺得我無定向風,做吓停吓,我都唔想嘅。」

而鄭融昨在電話否認被揸胸:「梗係冇掂到啦,抱起一個人,手一定擺肋骨,我諗角度問題,唔使擔心,佢哋好專業。」

採訪:盧妹

攝影:仇志德



■鄭融被男舞蹈員抱起時,疑遭對方掂到胸部。


鍾意就快D Share啦!