2016年4月29日 星期五

前妻樂基兒呻有朋友買飛 舒淇寸黎明「好彩我哋冇取消」 __,樂基兒,黎明,基兒,舒淇,

前妻樂基兒呻有朋友買飛 舒淇寸黎明「好彩我哋冇取消」天王黎明昨晚假中環舉行4D演唱會,怎知因未遵辦消防安全規定,於開騷前兩小時黎明忍痛宣告取消個唱,剛巧昨晚黎明前妻樂基兒和舊愛舒淇分別現身出席活動,兩位前度沒計劃捧場,樂基兒說:「我知朋友有買演唱會飛。」她認為黎明應該會有其他計劃。至於相戀7年從未被黎明認愛的舒淇,驚聞對方取消個唱,她竟笑說:「吓!好彩我哋冇取消啫。」現年49歲的天王黎明,為慶祝入 ...


前妻樂基兒呻有朋友買飛 舒淇寸黎明「好彩我哋冇取消」

天王黎明昨晚假中環舉行4D演唱會,怎知因未遵辦消防安全規定,於開騷前兩小時黎明忍痛宣告取消個唱,剛巧昨晚黎明前妻樂基兒和舊愛舒淇分別現身出席活動,兩位前度沒計劃捧場,樂基兒說:「我知朋友有買演唱會飛。」她認為黎明應該會有其他計劃。至於相戀7年從未被黎明認愛的舒淇,驚聞對方取消個唱,她竟笑說:「吓!好彩我哋冇取消啫。」

現年49歲的天王黎明,為慶祝入行30年,5年沒開騷的他,原定昨晚假中環龍和道海濱活動空間舉行首場「黎明Leon 30th Anniversary Random Love Songs 4D in live 2016」,怎知昨傍晚食環署發公告指主辦單位未能遵辦有關消防安全規定,食環署未能就該活動發出臨時公眾娛樂場所牌照,結果黎明於開騷前兩小時,在facebook專頁宣告取消昨晚個唱,全城震驚。



【天王失威】■黎明個唱因帳篷未達抗火標準,於開騷前兩小時被迫取消。



【舊愛 戥粉絲慘】■黎明舊愛舒淇昨晚現身中環出席活動,聞黎明取消個唱時說:「粉絲一定好失望,係幾令人失望嘅消息。」



【前妻 唔會捧場】■黎明前妻樂基兒昨晚出席活動,表示今日飛外地,沒預計去看黎明演唱會。

舒淇:幾令人失望剛巧黎明的舊愛舒淇昨日亦現身中環,到置地廣場出席品牌活動,被問到有否計劃睇黎明演唱會?舒淇坦言表示沒有,記者告知黎明剛宣告取消昨晚演出,舒淇的反應十分抵死,竟笑說:「吓!好彩我哋冇取消啫,哈哈哈!」之後舒淇亦主動問為何取消?當知道因為消防條例問題,舒淇說:「吓!咁都得。」對於睇騷粉絲在現場爆喊,舒淇說:「身為粉絲一定好失望,唔可以咁臨時,其實係幾令人失望嘅消息。」問到為甚麼沒想過去睇騷?她解釋:「因為啱啱喺台灣拍完戲返嚟,香港發生乜事都唔知。」會否問候黎明?舒淇說:「有機會會問候佢。」

黎明跟舒淇於98至05年拍拖7年,兩人當年合作電影《玻璃之城》擦出愛火花,可惜有傳黎爸爸跟粉絲都不接受舒淇是三級女星,一直堅決反對兩人拍拖,所以7年以來黎明從沒承認舒淇的女友地位,直至05年黎明跟徐子珊傳緋聞,數月後就跟舒淇分手,七年情玩完。早幾年舒淇自爆當年跟黎明分手後曾患抑鬱症,閉門療傷一年。

此外,早前舒淇因患皮膚敏感,問到情況好些了嗎?她說:「其實唔單止係塊面,全身都係,今日都要遮咗半邊面,做完今日活動要放大假,唞吓之餘要驗身,仲會去驗埋血,可能太攰。」有記者笑問是否年紀問題?她笑說:「所以要放大假,最少要放半年。簽咗約嘅工作會照做,但新戲唔會傾住。」

樂基兒:好難幫佢答至於跟黎明離婚4年的前妻樂基兒,昨晚現身銅鑼灣出席活動,對於黎明個唱臨場取消,她說:「我知朋友有買演唱會飛,其實production嘅嘢我唔知,不過佢喺呢個情況下,應該之後都有其他演出或者有其他plan,有其他嘢俾大家睇到,我真係好難幫佢答到!」

問到朋友會否擔心看不到黎明演唱會,樂基兒說:「咁我唔知呀,我今日要做嘢,直至你哋講畀我知取消我先知!」記者問黎明有否請她睇演唱會?樂基兒似為免尷尬拒答:「呢樣嘢我唔答!」

採訪:張俊銘、王連連

攝影:陳志嵐、陳慧安

全城鬧爆:粉絲狂插食環署黎明演唱會因食物環境衞生署在開騷前兩小時,宣佈未能發出臨時公眾娛樂場所牌照而取消。大批粉絲在黎明fb留言力撐,連環鬧爆食環署和香港政府。

Leslie Wan:食環署真係仆街,人哋就開show先唔批…一係你就早啲通知,𠵱家想點呀,玩呀!

Wilson Wong:捉水貨客又唔X見你哋咁落力?成班正一廢柴,淨係識得欺善怕惡。

Kenny Wong:香港唔係有特事特辦嘅咩,有冇搞錯呀,你唔好開show前一分鐘先話唔得。人哋準備咗好耐,唔講計錢心機都浪費晒啦。香港真是冇得救啦。

Candy Choi:食環署有冇搞錯,最後2小時先講唔批!Leon唔好唔開心,原本今晚嚟睇㗎,等咗好耐先到今日,係有點失望,我會等你搞掂再開番,加油呀!

Ying Choyd:可唔可以特事特辦呀?


鍾意就快D Share啦!
Related Posts Plugin for WordPress, Blogger...