黎明噚日喺中環海濱舉行嘅4D演唱會，因為所用大陸製嘅帳篷唔符合防火規格，過唔到消防條例，所以食環署以安全為由，拒絕發牌，搞到臨開騷兩個鐘之前被叫停，黎明仲專登拍咗條片講「原因係食環署唔批，因為布料唔係英國認可嘅規條。」闊別5年再開演唱會就欠臨門一腳，經過噚日一整晚努力，黎明方面終於諗到解決辦法，就係收起晒四面環繞嘅帳篷，單係留返個頂幕。而個頂因為夠高，所以唔擔心因為燈嘅溫度過高而着火。據知大會已假設如果落雨會加派即棄雨褸畀在場人仕，有關方面仲容許觀眾退飛。Facebook貼片稱：「目前開緊會考慮緊我哋嘅辦法係將個篷拆咗佢，喺周圍圍上啲黑布減低噪音，睇消防局嗰邊可唔可以再商討，仲研究有冇其他安全問題，所以提早同大家講一聲，當然被觀眾選擇到底退唔退票，四點未必可以通知大家，要等到遲啲再通知大家，盡快update大家，唔好意思，唔該晒!」
來源 source: http://hk.apple.nextmedia.com
|
鍾意就快D Share啦！
|
|
|
