雖然由宣布取消首場個唱到依家只係幾個鐘，但黎明個樣已經頹咗好多，陰公豬。
黎明一連八場4D演唱會，因牌照問題，臨時宣布取消首場演出，黎明啱啱又喺Facebook再甫新片，並留言表示：「是我們的責任！請不要説政府部門不是！」
短片所見，黎明處於喺會場入面拍片，表現從容嘅佢話：「唔好意思，一定要講清楚件事唔好誤會先，唔關任何其他部門事，我哋自己申請時就要做番我哋自己嘅責任，點樣去做好依件事。因為個布料，雖然大家都一樣係防火，但依隻係中國做，同英國嗰隻唔同，但因為我哋場館係冇任何燃燒（易燃物品），亦都唔畀食煙、煮食，我哋應該係冇咩意外。我哋走火通道係足夠，消防道具（設備）都係夠嘅，咁變咗我哋依家開始再去嘗試搵第二個方法去寫清楚個Proposal，再去開會再去討論。我希望大家明解，唔關食環署（食物環境衞生署）事，希望大家明解，總之所有嘢我會自己去面對，最尾會畀番個好合理嘅解釋（大家），再次講聲對唔住，唔好令大家誤解。」而身處會場外嘅粉絲，一見黎明再透過fb「發言」，紛紛即時打開了解最新情況。
來源 source: http://hk.on.cc
|
鍾意就快D Share啦！
|
|
|
