有啲嘢，真係唔可以，絕對唔可以拎嚟呃like，例如性侵。上周有周刊據「知情人士」同何韻詩零碎fb post，捕風捉影寫咗個何韻詩芬蘭險遭性侵半裸雪地逃亡的故事。繪影繪聲差在沒拍成電影。身為文化監暴骨幹成員的何韻詩，之前未有行動回應失實報道，只表示對於失實報道不予回應。不過到今日(28號)凌晨，何韻詩突然於fb貼出千字文，亦認真回應網民的疑惑。四個字形容晒阿詩心情:真。係。好。驚。事件經過如下：
阿詩喺Airbnb book咗一間一家三口嘅屋企嘅房，個host係個女主人嘅，reviews一致好評。第一日去到，下午三點，何韻詩稱按門鐘幾次都無人理，「終於三分鐘後個女人睡眼惺忪咁出現，個狀態超迷，問非所答，行咗一轉間屋，機警嘅我已經發現好多啤酒罐同煙頭。我心諗，哇完全貨不對辦，又話好開朗嘅一家三口？」當時何韻詩已感覺怪怪，「好在出完去一轉，返來發現隔籬房原來住咗另一家人，同埋阿老公都返來，感覺都好正常好helpful，係個中年男護士，咁都安心啲。成件事，重點係sauna：屋住有個傳統柴火sauna響basement，每次用要俾錢。由老公負責點火。何韻詩抵埗後第一晚有用，但沒有鎖門，得一個窗簾，但老公強調係private use。到第二朝，住客得番阿詩一個。傍晚時份，老公開始「嚟料」，喝得醉醺醺回來，講講吓嘢無啦啦要求hug何韻詩，當時阿詩無為意，「覺得可能『芬蘭人都係咁』。」「覺得可能『芬蘭人都係咁』」嘅阿詩，是夜又book咗sauna。但佢落到去時，個火已經燒到一半，焗完第一次已經就快熄，故主動嗌上去、問老公可否幫手加柴：「點知！佢落到嚟時上身無著衫，只著住條legging。我心諗，哇點啊，但又又唯有安慰自己可能『芬蘭人都係咁』啦⋯⋯殊不知佢加完柴之後，望一望我，又無啦啦埋嚟hug我wor！點啊！！！！赤裸裸hug乜Q啊！「入返sauna，gut feeling已經響起警號，有點不安，但礙於柴剛剛先加，唯有忍到個火燒到咁上下先，跟住快快手沖身諗住著返衫上樓啦。點知！當我關水，佢突然喺廉後出現，問我：'are you inside？'我（即刻披返毛巾）話：'nono！i am outside, don’t come in….'之際，佢已經行咗入嚟，下身披住條毛巾。「重點係，佢個下體係明顯地勃起了！！！而且好明顯係想俾我見到。「嚇到我，即刻攞嘢話我上返去喇，個變態佬仲要故意跨過我，話佢入去sauna喇，問我要唔要一齊？此刻嘅我，嚇到個心狂跳，心感不妙，即刻耍手擰頭話no no no，拿拿淋衝返上房！！「返到房，十萬個驚，立刻盤算究竟應該繼續留低定走定點，定著晒衫唔好瞓？但礙於我住呢個地方嘅離市中心三十分鐘路程，完全無車可搭，同埋路上係一片冰海，完全無法用跑嘅方法逃走，亦唔知搵唔搵到酒店。我企咗響度五分鐘盤算之際，聽到條變態佬叫咗佢老婆落去，跟住就聽到明顯在XYZ嘅聲。「黐_線㗎！迅速決定逃走，但為免顯得可疑（認真驚佢攞刀出嚟追我），拿拿淋再落返去扮鎮定，搵個藉口話我想出去睇極光，九秒九執晒包袱，撇！！！！勉強在冰上快步離開，一路行就一路回頭望，每次有車經過都驚一驚，半個鐘後，終於走到去市中心臨時入住一間酒店。
嗰三十分鐘冰上逃亡係我人生最可怕嘅三十分鐘！」成件事就係咁。何韻詩並澄清以下三點：
1）我冇跳窗、逃離嘅時候亦有著衫。零下幾度只著bra，作嗰個有冇常識啊？
2）我冇被扯衫，亦冇被強暴咁誇，正確嚟講係被性騷擾。
3）報導中相中人並唔係男屋主，而係我芬蘭認識嘅一位攝影師，對於此雜誌擅自採用我嘅私人相片，並胡亂堆砌侮辱我朋友，我在此強烈譴責。原文太長，另文再述。
|
鍾意就快D Share啦！
|
|
|
