2016年6月9日 星期四

梁靖琪拍拖開健身院 [壹週刊 - 1370] __,梁靖琪,M1,

探熱針梁靖琪拍拖開健身院梁靖琪(Toby)11年與圈外有米男友黃敏豪婚後仍未定性,加上鬼妹性格太open,三年唔夠就離婚。自此,Toby減少夜蒲,反而愛上健身,更因為做運動,與相識多年的好友陳基燊撻着。已成功考到教練牌的她,正準備開健身院,與男友拍住上。帶男友見死黨上月同好姊妹唐詩詠補祝生日,Toby亦帶埋男友陳基燊一齊去,開放閨密圈,可見雙方感情好穩定。「離婚後,Toby反而修心養性,蒲少咗,又 ...


探熱針

梁靖琪拍拖開健身院

梁靖琪( Toby) 11年與圈外有米男友黃敏豪婚後仍未定性,加上鬼妹性格太 open,三年唔夠就離婚。自此, Toby減少夜蒲,反而愛上健身,更因為做運動,與相識多年的好友陳基燊撻着。已成功考到教練牌的她,正準備開健身院,與男友拍住上。

帶男友見死黨

上月同好姊妹唐詩詠補祝生日, Toby亦帶埋男友陳基燊一齊去,開放閨密圈,可見雙方感情好穩定。

「離婚後, Toby反而修心養性,蒲少咗,又鍾意咗做 gym。 Toby男友係 designer,同 Toby其實識咗好耐,亦經常一齊做運動,所以佢哋開始拍拖嗰陣,圍內朋友都有啲突然,唔知點解會由朋友變拖友。」知情者說。

早前, Toby帶男友為老友唐詩詠補祝生日,三人有傾有講,食足三粒鐘。

Toby與陳基燊拍拖近一年,身邊朋友及家人對他的評價不錯。

已考教練牌

經營婚禮統籌 iDreamation多年的 Toby,最近除了忙於擴充公司業務外,還打算開健身院。「 iDreamation喺上海同馬來西亞都有公司,所以 Toby好多時要周圍飛;本來已經夠忙,但佢愛上健身後,發覺又係一門可以投資嘅生意,於是考埋教練牌,男友亦好支持佢,所以兩個好夾,佢哋已經搵緊地方。」

愈 keep愈 fit的 Toby,每日都會抽空跑步及健身,向來有生意頭腦的她,更四處睇鋪準備開健身院。

唔敢再任性

經歷婚姻觸礁,性格開放的 Toby收斂不少,不敢再與其他異性玩得太埋太癲。

「上次 Toby同吳卓羲泳池單嘢搞到連婚都離埋,佢受咗唔少壓力,加上年紀大咗,唔同以前咁任性。而家生活健康好多, Toby一向鍾意煮嘢食,手勢又好,有時間佢寧願買餸返屋企煮飯, Toby爸爸媽媽覺得個女有咁大改變,某程度係受到男友影響,所以佢哋好鍾意陳基燊。」知情者說。

近年, Toby愛上入廚,平日下午會去街市買餸煮飯,很賢淑。

當年與吳卓羲在泳池埋身肉搏,搞到 Toby與老公 Aaron離婚收場。

離婚導火線

Toby與富家子 Aaron拍拖一年便閃婚,婚姻維持唔夠三年,兩人的感情來得快、去得快。

12年 9月, Toby與吳卓羲在三亞拍《衝上雲霄 II》外景,被傳媒影到劇中演員在酒店泳池大聲猜枚飲酒講粗口狂歡, Toby與吳卓羲在游泳池玩到肉緊時又攬又摸,十足鴛鴦戲水。報導出街後,有指 Toby老爺嬲到怒掟雜誌,更傳出 Toby婚變。直至 13年 2月, Toby在微博承認與丈夫黃敏豪( Aaron)離婚,透露雙方和平分開,並不涉及第三者。

撰文、攝影、攝錄:娛樂組


鍾意就快D Share啦!
Related Posts Plugin for WordPress, Blogger...