掃呢頁CODE去手機

2016年6月9日 星期四

【驚現夜場look】候選港姐嚇鬼實錄之《Legging當褲着》 __,港姐,

又到咗大台一年一度選港姐嘅日子,今朝一眾候選佳麗云集喺電視城進行初選。港姐質素每年都俾人話每況愈下,即使有幸選到頭三甲,都未必有人記得佢個名。直至上年,因為一個10A麥明詩,令港姐選舉變得有睇頭。不過唔係年年都有10A照住嘛!適逢今年,亞姐選舉冇得玩,國產佳麗無處可去,惟有大舉遷徙去隔籬大台。睇吓今年嘅港姐,今朝有幾位佳麗一開聲,就知係嚟自五湖四海大江南北。又睇睇今年港姐個look,有幾位個樣較四 ...




其他影片:>>






又到咗大台一年一度選港姐嘅日子,今朝一眾候選佳麗云集喺電視城進行初選。港姐質素每年都俾人話每況愈下,即使有幸選到頭三甲,都未必有人記得佢個名。直至上年,因為一個10A麥明詩,令港姐選舉變得有睇頭。不過唔係年年都有10A照住嘛!適逢今年,亞姐選舉冇得玩,國產佳麗無處可去,惟有大舉遷徙去隔籬大台。睇吓今年嘅港姐,今朝有幾位佳麗一開聲,就知係嚟自五湖四海大江南北。又睇睇今年港姐個look,有幾位個樣較四正嘅佳麗,就好穩陣咁清一色背心短裙晒長腿,但當中亦有唔少自我感覺良好,可惜身材樣貎欠奉嘅「勇士」,嚟到碰碰運氣。為咗要捕捉攝影哥哥嘅鏡頭,惟有諗諗計,將焦點放喺件衫度,不過唔睇尤自可,一睇……有佳麗竟然將legging當褲着,有佳麗着條大媽跳茶舞裙,更有佳麗着到似去旺中返工咁。都係嗰句,品味嘅嘢,真係識條鐵咩!

攝影:陳順禎 呢位佳麗條裙好有夜場feel吓! 塊面……仲反光吓!
阿媽着得潮過阿女! 呢位佳麗應該面試完趕住去camping!
呢位佳麗legging當面褲着,露出一對肥美壯腿,加上拎住個環保背心袋,勇氣相當可嘉! 下身白白滑,塊面一撻撻! 來自MK嘅佳麗!
睇咗咁多……都要平衡一下, 呢位算係今日芸芸面試佳麗當中,比較四正一個!

鍾意就快D Share啦!