齋睇文字都覺得堅有火，但咁耐以嚟，係咪真係鬧交就真係佢哋先知喇！
鬥嘴孖寶安德尊（大王）與李錦聯（李師傅）到中環，錄影無綫節目《區區開伙》，二人見面奉旨鬥氣，影相時李錦聯已開始批㬹及篤心口，令安德尊不禁說：「師傅，你過咗龍喎！」
好有火藥味
二人受訪時亦繼續針鋒相對，被問到兩人合作拍節目，是否已開火鬧交，安德尊說：「今日拍第三集，師傅拍到出晒火咁滯，我就喺節目度跟頭跟尾啫，師傅佢係國際名廚，不過靠唔住咁解啫！」
大王真無知定扮呀？
李錦聯聞言反駁：「大家唔好誤會先，我哋從來冇開火，係陷於就快開火邊緣，安德尊佢係無知，亂噏，佢係白癡，扮低B！你講錯還好，你係喺節目度根本唔知自己錯，扮晒無知，其實乜都知，但就亂噏，畀鑊跣我，我頂唔順佢啲無厘頭。」
師傅心胸唔夠闊
安德尊即牙尖嘴利回應：「鑊呢，係孭，唔係跣呀！師傅心胸唔夠闊，我都頂唔順佢啲氣燄，師傅咁多年都冇擔起過一個節目，問佢收視有咩期望，佢嘅答案咁無賴都得㗎喎！」
李錦聯再澄清：「我十幾年前都做過，收視嘅嘢隨心，冇期望，我都係做番閒時做嘅嘢，大家鍾意睇就睇，安德尊就係太Act（做戲），佢太掛住演出！」
來源 source: http://hk.on.cc
|
鍾意就快D Share啦！
|
|
|
