2016年6月5日 星期日

【獨家有片】年過40一樣有仙氣 姑姑李若彤晒長腿湊女 __,李若彤,

自從兩年前播完《MClub》之後,「小龍女」李若彤又好似消失咗一排。仍然係小姑獨處嘅姑姑,不時被拍到同一個好似餅印咁樣嘅小妹妹一齊,引來不少猜測,不過之後李若彤解釋謂呢個小妹妹其實係佢姨甥女,令曾患抑鬱嘅李若彤,邊緣回望重返人間。李若彤不諱言:「過去五、六年係我人生最黑暗嘅時間。當時我經常無端端喊,有諗過自殺……幸好上天俾個姨甥女我,湊佢係我最開心嘅時間,亦係佢救咗我,多謝妹妹俾我做媽咪嘅經驗!」 ...




其他影片:>>






自從兩年前播完《M Club》之後,「小龍女」李若彤又好似消失咗一 排。仍然係小姑獨處嘅姑姑,不時被拍到同一個好似餅印咁樣嘅小妹妹一齊,引來不少猜測,不過之後李若彤解釋謂呢個小妹妹其實係佢姨甥女,令曾患抑鬱嘅李若彤,邊緣回望重返人間。李若彤不諱言:「過去五、六年係我人生最黑暗嘅時間。當時我經常無端端喊,有諗過自殺……幸好上天俾個姨甥女我,湊佢係我最開心嘅時間,亦係佢救咗我,多謝妹妹俾我做媽咪嘅經驗!」噚日11點左右,李若彤現身長沙灣某商場一家playgroup,等小朋友放學,又同家長有傾有講。見仲有時間,於是李若彤去到附近一家電器舖買電掣。見其左揀右揀又不斷打俾人問意見,最後買咗個白色嘅。買完之後,李若彤見仲有時間,於是去超市買餸,揀親都係蔬果肉類,零食同汽水就完全掂都唔掂下。買下買下,李若彤走咗去超市一個counter買女性保健食品,見佢好細心咁逐樣逐樣揀先至決定買。好喇,買完晒,李若彤拎住一大袋戰利品返去接小朋友。見佢坐埋一角,未有主動social,但就有幾位靚太走埋去同佢傾到雞啄唔斷,傾到十二點三十五分左右,終於放學喇,有位外籍老師先出嚟同大家briefing,通常呢啲日日聽嘅嘢都冇乜人在意,但李若彤就好留心聽,接咗小朋友之後仲繼續係咁發問。唔講唔知原來李若彤都幾多嘢講,同外籍老師傾完一輪,又捉住頭先匿埋一角密密傾嘅家長喺學校門口又傾咗15分鐘,滔滔不絕。見李若彤講講下時指指面珠,又指指下巴,唔知係咪分享緊美容心得喇。但幾好傾都要分手,之後李若彤同小妹妹坐Benz返科學園天賦海灣,不過李若彤似乎好多message要覆,不停篤手機,一有時間就篤,就連開車門都幾乎唔記得,要小妹妹提醒先至如夢初醒咋…

採訪、攝影:徐錦池、畢紹基 姑姑去買燈掣,唔知呢位哥哥仔知唔知佢就係李若彤呢? 好長的腿!
買咩呢? 女性保健用品
真係好有靚太feel 聞到陣仙氣嗎?
呢位大叔,係咪覺得呢位仙氣女子好面善呢? 係咁篤手機
上樓梯都仲篤 同另一家長暗角密密傾 耐心聽外籍老師講姨甥學習進度
老師離開後,兩人又密密傾
聞到陣仙氣嗎? 姑姑係關注眼乾問題、黑眼圈定眼紋?
同姨甥女一齊走 再欣賞多次 上車喇姑姑!

鍾意就快D Share啦!
Related Posts Plugin for WordPress, Blogger...