陳敏之因佗B上圍升Cup，佢仲揚言以後要「封腿」改着低胸，千祈唔好呃我哋呀！
藝人陳敏之、梁烈唯及莊思敏等，於將軍澳電視城為無綫節目《Sunday好戲王》最後一集進行錄影。腹大便便的敏之以厚底鞋上陣，她透露拍畢最後一集就正式安胎，又希望節目添食：「拍攝好開心，呢個節目為小朋友帶嚟歡樂。但唔捨得森美，佢好照顧我。（唔添食再拍？）到時我個肚太大，希望下年（生咗）添食。」
敏之興奮表示上圍升Cup，更笑言之後要「封腿晒線」，她說：「雖然會胸痛，但好開心有事業線！（老公都開心？）佢話感覺似陌生人。（升咗幾Cup？）冇度，但我自己覺得好好揸手。大家唔好介意，我佗B嗰陣會盡情暴露着低胸衫，唔會露腿喇！」
佗B狂食牛肉
敏之稱現時多食花膠及海參進補，更搞笑透露自己佗B後超愛食牛肉：「我好似有『瘋牛症』咁，好鍾意食牛肉。我會偷食薯片同飲檸檬茶，好似有癮咁，食少少就開心到反白眼！」
自稱「乖媽咪」
提到有指敏之日前與伍詠薇到沙灘時「曳曳」偷飲香檳？她否認更自稱「乖媽咪」：「澄清番我一啖都冇飲。（影埋你曬太陽？）淨係曬太陽但冇落水，唔好話我曳，我係好乖嘅媽咪。老公都會控制我飲食，我食得多佢都開心，但唔好暴食。」
來源 source: http://hk.on.cc
|
鍾意就快D Share啦！
|
|
|
